Við leitum að einstaklingi með góða þekkingu og reynslu af verkefnastjórnun, innleiðingu og verklagsvinnu, er þjónustulipur og með góða hæfni í mannlegum samskiptum. Um er að ræða fjölbreytt stjórnunarstarf í lifandi umhverfi. Auk þess að innleiða aðferðafræði verkefnastjórnunar, vera til stuðnings við verkefnastjóra og eftirfylgni sér deildin um að leiða vinnustofur og spretti fyrir aðrar einingar á sviðinu.

Skrifstofa stjórnsýslu og gæða sér um stjórnsýslu- og gæðamál á sviðinu og falla verkefnastjórnunarmál þar undir, í sérstakri deild. Deildarstjóri verkefnastjórnunar ber ábyrgð á daglegum rekstri og faglegu starfi deildarinnar og að málsmeðferð og áherslur verkefna séu í samræmi við stefnu umhverfis- og skipulagssviðs og Reykjavíkurborgar.

Starfssvið

Ábyrgð á daglegum rekstri og faglegu starfi deildar.
Ábyrgð á þróun og innleiðingu á verklagi þegar kemur að verkefnastjórn þvert á skrifstofur sviðsins.
Leiðir gerð verklags og ferla, þ.m.t. samræmdra skjala, gagna og sniðmáta, vegna verkefnastjórnunar á sviðinu.
Utanumhald með verkefnastjórnunarkerfi sviðsins.
Heldur utan um og leiðir vinnustofur og spretti í samvinnu við stjórnendur sviðsins.
Leiðir fagteymi sviðsins um verkefnastjórn.
Þátttaka í þverfaglegum teymum og starfshópum um málefni er varða starfsemina

Menntunar- og hæfniskröfur

Háskólamenntun og framhaldsmenntun sem nýtist í starfi, s.s. í verkefnastjórnun.
Reynsla af verkefnastjórnun, IPMA vottun er kostur.
Reynsla af stefnumótun er kostur.
Stjórnunarreynsla og reynsla af kennslu- eða fræðslustarfi er æskileg.
Leiðtogahæfileikar og mjög góð færni í mannlegum samskiptum.
Hæfni og vilji til umbóta, frumkvæði og sjálfstæð vinnurögð.
Þekking og/eða reynsla af opinberri stjórnsýslu er kostur.
Íslenskukunnátta C1-C2 skv. evrópskum tungumálaramma og enskukunnátta B2-C1.

Nánar um starfið

Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.
Umhverfis- og skipulagssvið hefur innleitt 36 stunda vinnuviku og starfar eftir áherslum Reykjavíkurborgar um heilsueflingu á vinnustöðum og leggur áherslu á gagnkvæman sveigjanleika og að stuðla að jafnvægi milli vinnu og einkalífs.
Um er að ræða 100% starf og æskilegt er að starfsmaður geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar um starfið veita Glóey Helgudóttir Finnsdóttir skrifstofustjóri, gloey.helgudottir.finnsdottir@reykjavik.is eða Þorvaldur Guðjónsson deildarstjóri ráðninga og starfsumhverfis, thorvaldur.gudjonsson@reykjavik.is.
Umsóknarfrestur er til og með 12. mars 2026.