Dönskukennari óskast til starfa við Árbæjarskóla. Leitað er að metnaðarfullum einstaklingi sem býr yfir frumkvæði og vill bætast við mjög gott kennarateymi í góðu og jákvæðu umhverfi.

Árbæjarskóli er heildstæður grunnskóli staðsettur í einstöku umhverfi Elliðaárdalsins. Nemendur eru rúmlega 730 talsins en skólinn er safnskóli á unglingastigi. Starfsmenn skólans eru um 112 og er starfsandi mjög góður. Boðið er upp á fjölbreytt og skapandi nám sem stuðlar að alhliða þroska nemenda með það að markmiði að nemendur verði sjálfstæðir og skapandi einstaklingar í síbreytilegu samfélagi. Skólinn leggur ríka áherslu á vandaða móttöku allra nemenda. Við skólann starfar öflugt foreldrafélag og samvinna við foreldra og grenndarsamfélag er gott.

Helstu verkefni og ábyrgð

Dönskukennsla nemenda í samráði við skólastjórnendur og fagteymi. Vinna að þróun skólastarfs með stjórnendum og samstarfsmönnum. Stuðla að velferð nemenda í samstarfi við annað fagfólk og foreldra.

Hæfniskröfur

Kennaramenntun og leyfisbréf kennara.

Sérmenntun í dönsku er æskileg.

Reynsla af kennslu barna og unglinga er æskileg.

Hæfni í samskiptum.

Faglegur metnaður.

Reynsla og áhugi á að vinna með börnum.

Framúrskarandi íslenskukunnátta er skilyrði.

Laun eru samkvæmt samningi Sambands íslenskra sveitarfélaga og KÍ v/ Félags grunnskólakennara.

Nánari upplýsingar um starfið veitir Guðrún Erna Þórhallsdóttir gudrun.erna.thorhallsdottir@reykjavik.is eða Guðlaug Sturlaugsdóttir í síma- 411-7700 og í tölvupósti gudlaug.sturlaugsdottir@reykjavik.is

Dönskukennari óskast í Árbæjarskóla