Við auglýsum eftir öflugu starfsfólki í hlutastarf í félagsmiðstöðina Ársel. Félagsmiðstöðin er fyrir börn 10-16 ára í Árbæjar-, Selás- og Ártúnsskóla. Umsækjendur þurfa að hafa mikinn áhuga á að vinna með börnum og unglingum og vera með stúdentspróf.

Ársel tilheyrir Frístundamiðstöðinni Brúnni. Brúin starfrækir níu félagsmiðstöðvar í Árbæ, Grafarholti, Grafarvogi, Norðlingaholti og Úlfarsárdal sem heita Ársel, Holtið, Fjörgyn, Sigyn, Vígyn, Fellið, Plútó, Fókus og sértæka félagsmiðstöðin Höllin.

Markmið félagsmiðstöðva er að þjálfa félags- og samskiptafærni barna- og unglinga í gegnum leik og starf.

Markhópur félagsmiðstöðva eru börn og unglingar á aldrinum 10-16 ára.

Í boði er hlutastarf þar sem vinnutíminn er eftir hádegi og á kvöldin.

Um er að ræða tímabundna ráðningu frá 24. ágúst 2026 til byrjun júní 2027.

Umsækjendur þurfa að vera með stúdentspróf.

Verkefni og ábyrgð

Skipulagning á faglegu félagsmiðstöðvarstarfi fyrir börn og unglinga á aldrinum 10-16 ára.
Leiðbeina börnum og unglingum í leik og starfi.
Samráð og samvinna við börn, unglinga og starfsfólk.
Samskipti og samstarf við foreldra og starfsfólk skóla.

Hæfniskröfur

Menntun eða reynsla sem nýtist í starfi.
Fjölbreytt færni sem nýtist í starfi með börnum og unglingum.
Reynsla af félagsstörfum, eða frítímastarfi með börnum og unglingum.
Áhugi á að vinna með börnum og unglingum.
Frumkvæði og sjálfstæði.
Færni í samskiptum.
Íslenskukunnátta á stigi A2 samkvæmt evrópska tungumálarammanum.

Frekari upplýsingar um starfið

Laun eru samkvæmt samningi Reykjavíkurborgar og Sameykis stéttarfélags. Frístundaleiðbeinandi í félagsmiðstöð eða frístundaráðgjafi í félagsmiðstöð sé umsækjandi með háskólapróf. Sjá nánar á https://www.sameyki.is/kaup-og-kjor/kjarasamningar/reykjavikurborg/
Vinsamlegast sendið inn starfsferilskrá með umsókn.
Umsækjandi þarf að hafa hreint sakavottorð í samræmi við lög og reglur Reykjavíkurborgar.
Starfshlutfall 20-50%
Tímabundin ráðning

Nánari upplýsingar um starfið veitir Bjarni Þórðarson, forstöðumaður í Árseli (bjarni.thordarson@reykjavik.is) eða Inga Lára Björnsdóttir, deildarstjóri unglingastarfs í Frístundamiðstöðinni Brúnni (inga.lara.bjornsdottir@reykjavik.is).

Félagsmiðstöðin Ársel, hlutastarf