Hafnarfjarðarbær óskar eftir félagsráðgjafa til starfa í ráðgjafateymið. Um er að ræða tímabundið starf til 31. des.2026

Æskilegt er að viðkomandi geti hafið störf sem fyrst. Starfshlutfall er 100%.

Fjölskyldu-og barnamálasvið ber ábyrgð á fjölbreyttri þjónustu við íbúa Hafnarfjarðar þar sem leitast er við að tryggja fjárhagslegt og félagslegt öryggi íbúanna. Áhersla er lögð á heildstæða félagslega þjónustu, þverfaglega samvinnu og snemmtæka íhlutun. Auk þess er lögð áhersla á samþætta þjónustu í samræmi við lög um samþættingu þjónustu í þágu farsældar barna.

Hafnarfjarðarbær leggur áherslu á metnaðarfullt og faglegt starf í þágu bæjarbúa.

Markmið starfsins er að veita félagslega ráðgjöf og veita einstaklingum og fjölskyldum þjónustu í samræmi við lög um félagsþjónustu sveitarfélaga.

Helstu verkefni og ábyrgð:

Veita félagslega ráðgjöf til einstaklinga og fjölskyldna.
Móttaka og greining/mat umsókna um þjónustu (almenn ráðgjöf og fjárhagsaðstoð) og úrvinnsla þeirra
Snemmtæk íhlutun í málefnum barna og fjölskyldna
Vinnur að faglegri stefnumótun og nýsköpun í málaflokknum hjá sveitarfélaginu
Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

Meistaragráðu í félagsráðgjöf.
Reynsla af starfi með börnum og fjölskyldum æskileg
Reynsla af meðferðarvinnu og vinnu í þverfaglegu teymi æskileg
Hæfni í mannlegum samskiptum
Geta til að vinna undir álagi
Frumkvæði, sjálfstæði í vinnubrögðum og skipulagshæfileikar
Góð íslensku- og enskukunnátta bæði í ræðu og riti

Nánari upplýsingar veitir Soffía Ólafsdóttir, deildarstjóri ráðgjafateymis, soffiao@hafnarfjordur.is

Launkjör eru samkvæmt kjarasamningi Sambands íslenskra sveitarfélaga við BHM.

Umsóknarfrestur er til og með 1. júlí 2026.

Ferilskrá, kynningarbréf og starfsréttindi fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Félagsráðgjafi í ráðgjafarteymi - tímabundið starf til 31. des.2026