Umhverfis- og skipulagssvið Reykjavíkur leitar að flokkstjóra garðyrkjufólks. Við bjóðum upp á fjölbreytt og krefjandi verkefni þar sem þú færð tækifæri til að hafa áhrif á umhverfið í borginni.

Flokkstjóri ber ábyrgð á að viðhalda og bæta græn svæði í borgarlandinu. Meðal verkefna flokkstjóra eru plantanir á trjám, runnum, fjölæringum og sumarblómum, útfærsla og umhirða á blómabeðum og blómakerjum í görðum og götuumhverfi, trjáklippingar, illgresishreinsun, stýringu vinnuhóps við viðhald og framkvæmdir á grænum svæðum og að tryggja að öryggisreglum sé fylgt. Starfið er að miklu leyti unnið utandyra, við leitum því að einstaklingi sem nýtur þess að vinna í fjölbreyttum aðstæðum og er tilbúinn að vinna úti í öllum veðrum.

Starfssvið

Ábyrgð á að leiða vinnuhóp sem sinnir viðhaldi og framkvæmdum á grænum svæðum (m.a. görðum, leiksvæðum og opnum grænum svæðum)
Trjáklippingar og grisjun.
Plöntun trjáa, runna og sumarblóma. Endurnýjun og viðhald á beðum, þar á meðal vökvun og almenn viðhaldsvinna.
Umsjón með opnum leiksvæðum og skrúð- og borgargörðum.
Grunnþjálfun starfsfólks í samráði við verkstjóra/yfirverkstjóra.
Akstur bifreiða, vinnuvéla og annarra tækja.
Eftirfylgni með öryggisreglum og notkun persónuhlífa eftir því sem við á.
Samskipti við íbúa og önnur borgaryfirvöld um verkefni og ábendingar.

Menntunar- og hæfniskröfur

Garðyrkjufræðingur eða sambærilegt.
Þriggja ára reynsla af garðyrkjustörfum eða sambærilegu er æskileg.
Hæfni í mannlegum samskiptum og hæfni til að leiða teymi.
Skipulögð og fagleg vinnubrögð.
Framtakssemi, frumkvæði og sjálfstæð vinnubrögð.
Almenn ökuréttindi
Íslenskukunnátta B2 eða enskukunnátta B2 skv. samevrópskum matsramma fyrir tungumálakunnáttu.
Líkamleg hæfni þar sem stór hluti starfsins krefst vettvangsvinnu við aðstæður sem geta verið erfiðar.
Hæfni í öryggismálum og ábyrg notkun véla og tækja (t.d. krani, bifreið, lyftarar).

Nánar um starfið

Um er að ræða fullt starf og æskilegt er að viðkomandi geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar veitir Marta Guðrún Daníelsdóttir garðyrkjustjóri: marta.gudrun.danielsdottir@reykjavik.is
Umsóknarfrestur er til og með 5. október 2026

Flokkstjóri garðyrkjufólks