Skrifstofa málefna fatlaðs fólks á velferðarsviði leitar að framsýnum og metnaðarfullum forstöðumanni á íbúðakjarna fyrir fatlað fólk, að Laugavegi 105 Reykjavík. Markmið þjónustunnar er að veita íbúum stuðning til að lifa sjálfstæðu og innihaldsríku lífi, innan sem utan heimilis. Forstöðumaður er leiðandi við framkvæmd þjónustunnar og veitir henni faglega forystu.

Starfsemin byggir á stefnu Reykjavíkurborgar um þjónustu við fatlað fólk á heimilum sínum. Unnið er eftir hugmyndafræðinni um sjálfstætt líf og þjónandi leiðsögn. Áhersla er á valdeflandi stuðning.

Veitt er sólarhringsþjónusta á staðnum.

Forstöðumaður bera ábyrgð á að halda utan um sérfræðiþjónustu, að skipuleggja starfsemina með þeim hætti að hún nái stefnumarkmiðum Reykjavíkurborgar í málefnum fatlaðs fólks og að leiða faglegt starf í samráði við hvern og einn einstakling.

Helstu verkefni og ábyrgð

Dagleg stjórn og skipulag á starfsemi
Stjórnun mannauðs
Þátttaka í þróun og nýbreytni í þjónustu
Samstarf við notendur, aðstandendur og hagsmunasamtök fatlaðs fólks
Tryggja að framkvæmd þjónustu sé í samræmi við lög, reglur, stefnur og markmið velferðarsviðs og Reykjavíkurborgar

Hæfniskröfur

Háskólamenntun á sviði heilbrigðis-, mennta- eða félagsvísinda. Framhaldsmenntun sem nýtist í starfi æskileg
Þekking og reynsla af starfi með fötluðu fólki
Þekking og reynsla af sambærilegum störfum
Þekking og reynsla af vinnu með hugmyndafræði þjónandi leiðsagnar og sjálfstæðs lífs
Leiðtogafærni og hæfni í mannlegum samskiptum
Frumkvæði, skipulagshæfni og sjálfstæði í vinnubrögðum
Íslenskukunnátta B2 (samkvæmt samevrópskum tungumálaramma)
Hreint sakavottorð í samræmi við lög og reglur Reykjavíkurborgar

Frekari upplýsingar um starfið

Laun eru samkvæmt samningi Reykjavíkurborgar og viðkomandi stéttarfélags.

Nánari upplýsingar um starfið veitir Margrét Steiney Guðnadóttir deildarstjóri í tölvupósti margret.steiney.gudnadottir@reykjavik.is

Forstöðumaður á nýlegan íbúðakjarna í miðbænum