Við hjá Landsvirkjun vinnum markvisst að því að tryggja sjálfbæra og örugga orkuvinnslu fyrir orkuskipti og almenna þörf samfélagsins á komandi árum. Við trúum á framþróun sem byggir á þekkingu, ábyrgð og nýjum lausnum sem auka verðmæti, hraða orkuskiptum og umbreyta samfélaginu.

Við leitum að kraftmiklum forstöðumanni til að leiða öflugan hóp sérfræðinga í deild umbóta og öryggis. Deildin gegnir lykilhlutverki í að styðja við stöðugar umbætur og efla öryggi og árangur.

Hvað felst í starfinu?

Að leiða teymi sérfræðinga á sviði gæða, öryggismála, áhættustýringar, skjalastjórnunar og umbóta
Að móta og hafa yfirumsjón með framkvæmd umbótaverkefna í samstarfi við stjórnendur og starfsfólk ólíkra teyma
Að bera ábyrgð á umgjörð stjórnunarkerfa Landsvirkjunar og þróun þeirra
Að vera hluti af framsæknu teymi stjórnenda með sjálfbærni, öryggi og vellíðan í fyrirrúmi

Hefur þú eftirfarandi hæfni og reynslu?

Sterka leiðtogafærni og framúrskarandi samskiptahæfni, ásamt hæfni til að leiða fólk, efla samvinnu og byggja upp öflug teymi
Háskólanám sem nýtist í starfi
Áhuga á málaflokkum sem falla undir ábyrgðarsvið deildarinnar og reynslu af umbótum í þeim
Skipulagshæfni, lausnamiðað hugarfar og vaxtarviðhorf
Drifkraft, frumkvæði og sjálfstæði í vinnubrögðum
Góða færni í að koma fram og miðla efni á íslensku og ensku

Hvernig vinnustaður er Landsvirkjun?

Við leggjum áherslu á fagmennsku, sjálfbærni og stöðugar umbætur. Í teyminu okkar færðu tækifæri til að vinna að metnaðarfullum verkefnum sem hafa raunveruleg áhrif og móta framtíð orku, atvinnulífs og samfélags. Við styðjum við starfsfólk okkar með símenntun, sveigjanleika og góðu starfsumhverfi og menningu, þar sem jafnrétti, traust og samvinna eru í forgrunni.

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og hvað vekur áhuga þinn á starfinu. Fyrirspurnir má senda á mannaudur@landsvirkjun.is

Forstöðumaður Umbóta og öryggis