Síminn leitar að öflugum og framsýnum leiðtoga til að leiða verslanir Símans. Um er að ræða lykilhlutverk þar sem viðkomandi mun bera ábyrgð á rekstri, vöruframboði og áframhaldandi þróun verslana og vefverslunar Símans. Viðkomandi mun leiða öflugt teymi verslunarstjóra og gegna lykilhlutverki í að þróa verslunarstarfsemi félagsins til framtíðar, efla upplifun viðskiptavina og tryggja framúrskarandi árangur í sölu og þjónustu.

Starfið heyrir beint undir framkvæmdastjóra einstaklingssviðs og felur í sér náið samstarf við stjórnendateymi Símans.

Helstu verkefni og ábyrgð

Móta og innleiða árangursdrifna stefnu sem sameinar þjónustugæði, söluárangur og stöðugar umbætur
Ábyrgð á rekstri og afkomu verslana Símans
Leiða umbætur, þróunarverkefni og breytingar með skýrri markmiðasetningu, mælikvörðum og eftirfylgni

Við leitum að einstaklingi sem hefur:

Háskólamenntun sem nýtist í starfi
Umfangsmikla reynslu af rekstri verslana eða annarri sölu- og þjónustudrifinni starfsemi
Sýndan árangur af rekstri, stefnumótun og innleiðingu breytinga
Umtalsverða reynslu í að leiða teymi, byggja upp árangursdrifna menningu og ná settum markmiðum
Sterkan viðskiptaskilning ásamt framúrskarandi samskipta- og leiðtogahæfni

Síðan 1906 hefur Síminn tengt heimili og fyrirtæki á Íslandi við umheiminn. Við leggjum áherslu á að veita fyrirtækjum framúrskarandi lausnir byggðar á fyrsta flokks tækni með hraða, öryggi og þjónustu að leiðarljósi. Við byggjum á sterkri liðsheild og kunnum að meta jákvætt, árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Umsóknarfrestur er til og með 24. júní 2026.

Nánari upplýsingar veitir mannaudur@siminn.is

Við metum umsóknir jafnóðum og þær berast og boðum í viðtöl eftir því sem við á. Ráðið verður í starfið þegar við finnum rétta einstaklinginn í hlutverkið.

Í anda jafnréttisstefnu Símans hvetjum við öll kyn til að sækja um.

Forstöðumaður verslana