Frístundamiðstöðin Miðberg heldur utan um starfsemi frístundaheimila og félagsmiðstöðva í Breiðholti. Frístundamiðstöðin stendur fyrir fjölbreyttu starfi fyrir börn og ungmenni frá aldrinum 6 – 16 ára. Markmiðið er að veita börnum og ungmennum innihaldsríka þjónustu í frítíma þeirra. Sex frístundaheimili og fjórar félagsmiðstöðavar starfa undir frístundamiðstöðinni.

Félagsmiðstöðin Hellirinn er starfrækt fyrir fötluð börn og unglinga 10 – 16 ára sem búsett eru í Breiðholti. Hellirinn er opin alla virka daga frá því að skóla lýkur til kl. 17.00. Tilgangur starfsins er að stuðla að auknum félagsþroska fatlaðra barna og unglinga með áherslu á aukið sjálfstæði, ábyrgð og virkni þeirra í starfi ásamt mikilvægi heilbrigðs lífsstíls. Starfið er einstaklingsmiðað og taka börnin og unglingarnir þátt í að móta dagskránna.

Viðkomandi þarf að geta hafið störf í kringum 21. ágúst. Í boði eru hlutastörf 20 – 45% frá 13:35-16:30/17:00 á daginn. Starfsmannafundir eru annan hvern mánudag frá 17:00-19:00 og eru inni í starfshlutfalli.

Helstu verkefni og ábyrgð

Skipulagning og framkvæmd á faglegu starfi samvinnu við þátttakendur og aðra starfsmenn.
Veita börnum með einstakar þarfir leiðsögn og stuðning.
Samskipti og samstarf við börn, unglinga og samstarfsfólk.
Framfylgja stefnu skóla – og frístundasviðs í málefnum frítímans.

Hæfniskröfur

Menntun eða reynsla sem nýtist í starfi.
Áhugi á að vinna með börnum og ungmennum í sértæku félagsmiðstöðvarstarfi.
Færni í samskiptum.
Frumkvæði og sjálfstæði í vinnubrögðum.
Fjölbreytt áhugsvið sem nýtist í félagsmiðstöðvastarfi.
Góð íslenskukunnátta ((B2 samkvæmt samevrópska tungumálarammanum).

Vinsamlegast sendið inn starfsferilskrá með umsókn. Hreint sakavottorð í samræmi við lög sem og reglur Reykjavíkurborgar.

Frekari upplýsingar um starfið

Laun eru samkvæmt samningi Reykjavíkurborgar og viðkomandi stéttarfélags.

Starfshlutfall              20 – 45 %

Ráðningarform          Tímabundin ráðning

Nafn sviðs                 Skóla- og frístundasvið

Nánari upplýsingar um starfið veitir Kristrún Lilja Daðadóttir, deildarstjóri unglingastarfs í Miðbergi, netfang: kristrun.lilja.dadadottir@reykjavik.is

Frístundaleiðbeinandi m / umsjón - Félagsmiðstöðin Hellirinn