Það er mikið um að vera hjá Origo og nú leitum við að sjálfstæðum og útsjónarsömum sérfræðingi í gæðastjórnun og prófunum til að ganga til liðs við Digital Labs Origo. Í Digital labs vinnum við að fjölbreyttum stafrænum lausnum fyrir fjölda viðskiptavina. Sem gæðastjóri tryggir þú að okkar lausnir virki fyrir notendur og færð tækifæri til að leiða verkefni frá hugmynd til afhendingar.

Helstu verkefni og ábyrgð

Skipuleggja og framkvæma gæðaprófanir á stafrænum lausnum
Gera prófunaráætlanir og tryggja skýra skráningu og eftirfylgni galla
Þróa sjálfvirkar prófanir og nýta gervigreind til að bæta gæðastjórnun
Leiða afmörkuð verkefni, forgangsraða og halda utan um framvindu
Vinna náið með forriturum, hönnuðum og hagaðilum
Vera tengiliður í útvistun hjá viðskiptavinum

Menntunar- og hæfniskröfur

Að minnsta kosti 4 ára reynsla í gæðastjórnun og/eða prófunum
Sjálfstæð vinnubrögð og geta til að leiða verkefni
Góð samskiptafærni og lausnamiðuð hugsun

Fríðindi

Framúrskrandi vinnuaðstaða í nýjum, glæsilegum höfuðstöðvum að Dalvegi 30A eða, eftir atvikum, í samvinnurýmum á landsbyggðinni.
Sveigjanlegt, fjölskylduvænt vinnuumhverfi.
Spennandi verkefni og tækifæri til vaxtar.
Stöðug þróun þekkingar.
Veglegur velferðarpakki.
Aðgengi að líkamsrækt og hvíldarherbergi á vinnustaðnum.
Hollur og góður matur í niðurgreiddri mataráskrift og hressing yfir daginn.
Samgöngustyrkur.
Niðurgreitt internet, farsími og símtækjastyrkur.
Kostur á að sækja um í Menntasjóðinn Fremri.
Öflugt starfsmannafélag, klúbbastarf og frábærir samstarfsfélagar.

Um Origo

Origo er þjónustu- og þekkingarfyrirtæki sem vinnur með fyrirtækjum að því að ná forskoti í breyttum heimi þar sem tæknin skiptir öllu máli. Hjá Origo starfa um 200 sérfræðingar með yfirburðaþekkingu á stafrænum lausnum sem vinna að því alla daga að hjálpa viðskiptavinum að ná sínum markmiðum.

Hjá Origo leggjum við áherslu á að bjóða starfsfólki upp á framúrskarandi vinnuumhverfi, áhugaverð verkefni og tækifæri til að halda áfram að þróa þekkingu sína. Þannig styðjum við starfsfólk okkar til vaxtar og tryggjum um leið bestu, mögulegu þjónustuna til okkar viðskiptavina.

Næstu skref

Ef þú vilt slást í hópinn, endilega sendu okkur umsókn í gegnum ráðningavefinn.

Allar umsóknir og fyrirspurnir verða meðhöndlaðar sem trúnaðarmál og þeim svarað.

Umsóknarfrestur er til og með 22. nóvember 2026.

Nánari upplýsingar veita Kristín Gestsdóttir, mannauðsstjóri, kristin.gestsdottir@origo.is og Alexandra Cruz Buenano, forstöðukona Digital labs, alexandra.cruz.buenano@origo.is

Gæðastjóri / QA Lead