Höfn – verslunarstjóri

Vínbúðin Höfn óskar eftir að ráða verslunarstjóra. Við leitum að öflugum einstaklingi til að ganga til liðs við frábæran starfsmannahóp ÁTVR. Viðkomandi þarf að vera ábyrgðarfullur og hafa vilja og getu til að takast á við margvísleg verkefni.

Helstu verkefni og ábyrgð

Afgreiðsla og þjónusta við viðskiptavini
Dagleg stjórnun, birgðahald og umhirða búðar
Eftirfylgni þjónustu- og gæðastefnu fyrirtækisins
Framstilling á vöru og vörumeðhöndlun

Hæfnikröfur

Reynsla af verslunar- og/eða verkstjórn
Frumkvæði, metnaður og ábyrgð í starfi
Gott viðmót og rík þjónustulund
Mikil hæfni í mannlegum samskiptum
Almenn tölvukunnátta

Starfshlutfall er 100%.

Umsækjandi skal hafa náð 20 ára aldri.

Sakavottorðs er krafist.

Umsóknarfrestur er til og með 28. mars nk. Öll áhugasöm eru hvött til að sækja um starfið á www.vinbudin.is. Laun eru samkvæmt gildandi kjarasamningi sem fjármála- og efnahagsráðherra og Sameyki hafa gert. Öllum umsóknum verður svarað þegar ákvörðun hefur verið tekin.

Nánari upplýsingar veitir Thelma Kristín Snorradóttir – starf@vinbudin.is – 560 7700.

ÁTVR rekur 50 Vínbúðir um allt land. Stefna ÁTVR er að vera í hópi bestu þjónustufyrirtækja landsins og fyrirmynd á sviði samfélagsábyrgðar.

Við viljum að vinnustaðurinn sé lifandi og skemmtilegur og vinnum markvisst að því að auka ánægju starfsfólks.

Við leggjum áherslu á að starfsfólk fái tækifæri til að þroskast og læra nýja hluti. Þannig eflum við þekkingu og kraft fyrirtækisins.

Gildi ÁTVR eru LIPURÐ – ÞEKKING – ÁBYRGÐ. Ráðningar í stöður hjá fyrirtækinu taka mið af þessum gildum.