Leikskólinn Hörðuvellir auglýsir eftir leikskólakennurum í fullt starf

Við á Hörðuvöllum erum að leita að kraftmiklum og reynslumiklum leikskólakennara sem vill gera hvern dag að ævintýri fyrir börn!

Ef þú elskar leik, sköpun og samvinnu og vilt vinna í frábæru teymi þar sem gleði, virðing og fagmennska eru í fyrirrúmi, þá viljum við heyra frá þér. Við bjóðum upp á gott starfsumhverfi, tækifæri til starfsþróunar og stuðning í starfi – og auðvitað kaffi og hlátur alla daga.

Vertu hetjan sem börnin okkar bíða eftir!

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara, hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

Að vinna að uppeldi og menntun leikskólabarna
Að taka þátt í skipulagningu faglegs starfs
Að taka þátt í foreldrasamstarfi í samráði við deildarstjóra
Önnur verkefni samkvæmt starfslýsingu.

Menntunar- og hæfniskröfur:

Starfsleyfi sem kennari (leyfisbréf fylgi umsókn)
Reynsla af uppeldis- og kennslustörfum með ungum börnum æskileg
Góð færni í mannlegum samskiptum
Frumkvæði í starfi og faglegur metnaður
Sjálfstæð og skipulögð vinnubrögð
Mjög góð íslenskukunnátta, að lágmarki C1 samkvæmt Sjálsmatsrammi

Fríðindi í starfi:

Heilsuræktarstyrkur
75% afsláttur af leikskólagjöldum
Forgangur á leikskóla
Bókasafnskort
Sundkort

Fáist ekki starfsmenn með leyfisbréf til kennslu, kemur til greina að ráða háskólamenntaða einstaklinga eða einstaklinga með reynslu af starfi með börnum, sbr. lög nr. 95/2019. Við hvetjum áhugasama til að sækja um.

Skilyrði er að viðkomandi hafi hreint sakavottorð.

Nánari upplýsingar um starfið veitir Sverrir Jörstad Sverrisson leikskólastjóri, sverrirs@hafnarfjordur.is eða í síma 555-0721

Umsóknarfrestur til og með 12. júlí 2026

Launakjör eru samkvæmt kjarasamningi Sambands íslenskra sveitarfélaga við KÍ v/ Félags leikskólakennara.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Kennarar – Leikskólinn Hörðuvellir