Leitað er að leiðtoga sem hefur brennandi áhuga á skólastarfi og velferð barna, býr yfir sterkri faglegri sýn og hefur getu til að efla samstarf, þróun og árangur í öflugu teymi starfsfólks.

Aðstoðarskólastjóri er hluti af stjórnendateymi skólans og gegnir mikilvægu hlutverki í stefnumótun, þróun og daglegri stjórnun skólans.

Norðlingaskóli er heildstæður grunnskóli með rúmlega 500 nemendur í 1. – 10. bekk. Skólinn er staðsettur í einstöku umhverfi í Norðlingaholti. Við skólann er samþætt grunnskóla- og frístundastarf og þar starfa um 90 starfsmenn.

Áhersla Norðlingaskóla er m.a. á teymiskennslu, samkennslu árganga, einstaklingsmiðað nám, smiðjuvinnu, náið samráð við foreldra, nýbreytni og skólaþróun. Allt skólastarf byggir á teymisvinnu starfsfólks. Norðlingaskóli stendur í hjarta hverfisins og er mikilvægur hluti af samfélaginu.

Stefna og starf Norðlingaskóla grundvallast á því lífsviðhorfi að hverjum einstaklingi skuli búinn námsskilyrði svo hann megi þroskast og dafna á eigin forsendum og útskrifast úr grunnskóla sem sjálfstæður, sterkur og lífsglaður einstaklingur.

Helstu verkefni og ábyrgð

Að leiða daglega stjórnun skólans í samstarfi við skólastjóra og gegna hlutverki staðgengils hans.
Að móta og framfylgja sýn og stefnu skólans í samstarfi við starfsfólk og nemendur.
Að leiða skipulag og þróun helstu þátta skólastarfs í samstarfi við stjórnunarteymi skólans.
Að efla öflugt samstarfi innan skólasamfélagsins og stuðla að farsælum samskiptum.
Að standa vörð um farsæld, velferð og nám nemenda í samstarfi við foreldra og fagfólk.
Að vera faglegur leiðtogi á sviði kennslu, skólaþróunar og nýbreytni.
Að efla jákvæða starfsmenningu, faglegt lærdómssamfélag og teymisvinnu meðal starfsfólks.

Hæfniskröfur

Leyfi til að nota starfsheitið kennari.
Menntun á sviði grunnskólakennslu er æskileg.
Framhaldsnám og reynsla af stjórnun og/eða þróunarstarfi í grunnskóla æskileg.
Þekking og reynsla í kennslu á grunnskólastigi.
Leiðtoga- og stjórnunarhæfileikar.
Reynsla og áhugi á að starfa í hvetjandi og árangursríku skólasamfélagi.
Framúrskarandi samskiptahæfileikar og sveigjanleiki í starfi.
Faglegur metnaður, sjálfstæði, skipulagshæfileikar og frumkvæði.
Íslenskukunnátta C1 samkvæmt samevrópskum staðli um tungumálakunnáttu.
Hreint sakavottorð í samræmi við lög sem og reglur Reykjavíkurborgar.

Nánari upplýsingar

Umsókn skal einnig fylgja kynningarbréf með rökstuðningi fyrir hæfni umsækjanda til starfsins, upplýsingum um farsæl verkefni sem hann hefur leitt í skólastarfi, ásamt upplýsingum um umsagnaraðila og öðrum gögnum sem málið varðar.

Norðlingaskóli er öflugur og framsækinn skóli þar sem rík áhersla er lögð á samstarf, þróun og vellíðan nemenda og starfsfólks. Við hvetjum metnaðarfulla og framsýna einstaklinga sem hafa áhuga á að taka þátt í öflugu skólastarfi til að sækja um starfið.

Ráðið verður í starfið frá og með 1. ágúst 2026.

Nánari upplýsingar um starfið veita Aðalbjörg Ingadóttir, skólastjóri adalbjorg.ingadottir@reykjavik.is

og Bára Birgisdóttir, fagstjóri grunnskóla í Austurmiðstöð bara.birgisdottir@reykjavik.is

Laus er til umsóknar staða aðstoðarskólastjóra Norðlingaskóla