Laust er til umsóknar starf leikskólakennara í Fífuborg.

Fífuborg er fjögurra deilda leikskóli við Fífurima í Grafarvogi með sterkan kjarna af fagfólki.

Gildi leikskólans eru virðing, heilbrigði og gleði. Í leikskólanum er stuðst við kenningar John Dewey, Caroline Pratt og Lev Vigotsky en hugmyndafræði þeirra á það sameiginlegt að litið er á barnið sem skapandi, virkan og hugsandi einstakling sem lærir af eigin reynslu, virkni og áhuga. Megináherslur í starfi leikskólans eru bernskulæsi, félagsfærni, umhverfismennt og lýðræði. Rík áhersla er lögð á að raddir barnanna heyrist og að þau hafi áhrif á umhverfi sitt.

Í Fífuborg er unnið með vináttuverkefni Barnaheilla sem byggir m.a. á því að efla félagsfærni og byggja upp jákvæð samskipti. Hallsholt, grenndarsvæði leikskólans bíður uppá tækifæri til útikennslu og skemmtilegra vettvangsferða.

Fífuborg er Grænfánaleikskóli og hlaut hann hvatningarverðlaun skóla- og frístundarsviðs 2019 fyrir verkefnið Ella umhverfisdúkka.

Starfið er laust nú þegar, eða eftir samkomulagi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

Að vinna að uppeldi og menntun leikskólabarna samkvæmt starfslýsingu leikskólakennara, þ.m.t. að taka þátt í skipulagningu faglegs starfs og foreldrasamstarfi undir stjórn deildarstjóra.

Hæfniskröfur

Leikskólakennaramenntun og leyfisbréf kennara.
Reynsla af uppeldis- og kennslustörfum með börnum æskileg.
Lipurð og sveigjanleiki í samskiptum.
Frumkvæði í starfi og faglegur metnaður.
Sjálfstæð og skipulögð vinnubrögð.
Íslenska B1 skv. samevrópska tungumálarammanum

Fríðindi í starfi

Menningakort-bókasafnskort
Samgöngustyrkur
Sundkort
Heilsuræktarstyrkur
36 stunda vinnuvika.

Laun eru samkvæmt samningi Sambands íslenskra sveitarfélaga og KÍ v/ Félags leikskólakennara.

Hreint sakavottorð í samræmi við lög sem og reglur Reykjavíkurborgar.

Upplýsingar um starfið gefa Helga Arnfjörð Sigurðardóttir leikskólastjóri í síma 411-3940 eða á netfangið Helga.Sigurdardottir01@reykjavik.is og Sigríður Sunna Hannesdóttir aðstoðarleikskólastjóri í síma 411-3940 eða á netfangið sigridur.sunna.hannesdottir@reykjavik.is

Heimasvæði Fífuborgar

Leikskólakennari - Fífuborg