Leikskólinn Funaborg er þriggja deilda leikskóli, en á á næstu árum að verða 7 deilda leikskóli. Funaborgin stendur við Gullinbrú í miklum, fallegum og ævintýralegum skógarlundi

Í Funaborg trúum við að barnið sé hæfur einstaklingur sem getur, skilur, kann og vill. Í félagslegri tengingu við jafningja sína, kennara, foreldra, nærumhverfi sitt og stærra samfélagið verði barnið sterkara, hafi trú á eigin getu og öðlist kjark og þor til að leysa úr eigin vandamálum og flóknum samskiptamynstrum.

Við vinnum nú að þróunarverkefni sem hefur yfirheitið Bernskulæsi/Gríptu tækifærið. Í verkefninu „Gríptu tækifærið“ er unnið með bernskulæsi og markvisst unnið að því að skapa jákvætt viðhorf til lesturs. Ferlið leggur grunn að börn þrói með sér færni til að skilja umhverfið, miðla þekkingu, reynslu og/eða upplifun til annarra. Verkfæri sem nýtt eru í verkefnið eru sjónrænar vísbendingar, söngstundir, yndislestur, Lubbi finnur málbein, gefðu 10 og markviss málörvun í litlum hópum. Markmið verkefnisins er að dýpka málumhverfi barnanna, auka ígrundun í starfi og efla sameiginlega ábyrgð starfsfólks.

Ef þú ert frábær leikskólakennari sem langar til að vinna með börnum á sérstaklega fallegum stað og taka þátt í stækkandi leikskóla þá er, Funaborg staðurinn fyrir þig

Einstaklega spennandi tilboð sem erfitt er að láta fara fram hjá sér.

Skemmtileg myndbönd um Funaborg.

https://vimeo.com/380462481

https://menntastefna.is/tool/myndbond-um-sjalfseflingu-fyrir-starfsfolk-leikskolanna/

Fríðindi í starfi:

Frír hádegismatur
Menningarkort – bókasafnskort
Samgöngustyrkur
Sundkort
36 stunda vinnuvika fyrir fullt starf
Heilsuræktarstyrkur

Komdu og vertu með!

Helstu verkefni og ábyrgð

Leikskólakennari er ábyrgur fyrir foreldrasamskiptum og velferð barna ásamt deildarstjóra og öðru starfsfólki deildarinnar. Hann sér um að halda utan um hópastarf og sinna þeim verkefnum sem stjórnendur fela honum.

Hæfniskröfur

Leikskólakennaramenntun og leyfisbréf kennara
Íslenskukunnátta á stigi C1 samkvæmt evrópska tungumálarammanum. https://rm.coe.int/CoERMPublicCommonSearchServices/DisplayDCTMContent?documentId=090000168045bb5c
Reynsla af uppeldis- og kennslustörfum með ungum börnum
Frumkvæði í starfi og faglegur metnaður
Sjálfstæð og skipulögð vinnubrögð
Lipurð og sveigjanleiki í samskiptum
Færni til að nýta sér tölvur í starfi
Hreint sakavottorð

Frekari upplýsingar um starfið

Laun eru samkvæmt samningi Sambands íslenskra sveitarfélaga og KÍ v/ Félags leikskólakennara.

Leikskólastjóri

Agnes Jónsdóttir

agnes.jonsdottir01@reykjavik.is

Leikskólakennari í Funaborg