Öflugur og faglegur leiðtogi óskast í stöðu leikskólastjóra Hvamms. Leitað er eftir einstaklingi sem býr yfir góðum samstarfshæfileikum, er lausnamiðaður og hefur skýra framtíðarsýn um að viðhalda metnaðarfullu leikskólastarfi.

Hvammur er sex deilda leikskóli í suðurbæ Hafnarfjarðar. Gildi skólans eru jákvæð samskipti, jafnrétti og vinátta og endurspeglast þau í öllu starfi leikskólans. Í Hvammi er starfað í anda Hjallastefnunnar og deildar leikskólans eru aldurs- og kynjaskiptar. Í leikskólanum er unnið með opinn og skapandi efnivið sem er eins á öllum deildum en þannig er tryggt að öll börn hafi jafnan aðgang að rými og leikefni. Í Hvammi er unnið með uppbyggingarstefnuna Uppeldi til ábyrgðar þar sem ýtt er undir ábyrgðarkennd og sjálfsstjórn. Auk þess styrkir hugmyndafræðin starfsfólk í að samræma aðferðir í samskiptum og agamálumm og að efla vináttu.

Í Hafnarfirði eru um 30.000 íbúar, sveitarfélagið rekur 17 leikskóla og er með þjónustusamning við tvo til viðbótar. Hafnarfjarðarbær er heilsueflandi vinnustaður og styður við heilsueflingu starfsmanna sinna með fjölbreyttum hætti.

Markmið mennta- og lýðheilsusviðs er að vera faglegt og framsækið forystuafl í mennta-, æskulýðs- og íþróttamálum og veita börnum og fjölskyldum í bænum heildstæða þjónustu og stuðla að samfellu í öllu starfi sem hefur velferð íbúa að leiðarljósi.

Helstu verkefni og ábyrgð:

Starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla og menntastefnu Hafnarfjarðarbæjar
Veita leikskólanum faglega forystu á sviði kennslu og þróunar í skólastarfi
Stýra og bera ábyrgð á daglegri starfsemi og rekstri leikskólans
Bera rekstrarlega ábyrgð á að rekstur leikskólans sé innan ramma fjárhagsáætlunar
Sér um ráðningar starfsmanna, gerð vinnuskýrslna, skipuleggur vinnutíma starfsmanna og vinnutilhögun
Önnur verkefni samkvæmt starfslýsingu

Menntunar- og hæfniskröfur:

Leyfisbréf sem kennari
Framhaldsmenntun á sviði stjórnunar- og/eða menntunarfræða kostur
Stjórnunarreynsla og víðtæk þekking/reynsla af leikskólastarfi
Leiðtogafærni
Áhugi á skólaþróun og faglegur metnaður
Framúrskarandi samskiptahæfni og jákvætt viðmót
Þekking á rekstri og opinberri stjórnsýslu
Sjálfstæð vinnubrögð og frumkvæði í starfi
Góð íslensku- og enskukunnátta
Góð tölvufærni og þekking á nauðsynlegum kerfum

Nánari upplýsingar veitir Árný Steindóra Steindórsdóttir deildarstjóri leikskólamála, arnyst@hafnarfjordur.is

Launakjör eru samkvæmt kjarasamningi Sambands íslenskra sveitarfélaga og KÍ

Umsóknarfrestur er til og með 14. júlí 2026

Gerð er krafa um hreint sakavottorð við ráðningu.

Umsókn um starfið þarf að fylgja greinagóð starfsferilskrá og kynningarbréf þar sem gerð er grein fyrir ástæðu umsóknar, fyrri störfum umsækjanda, menntun, stjórnunarreynslu og hæfni til að sinna starfi leikskólastjóra ásamt afriti af prófskírteini.

Vakin er athygli á stefnu Hafnarfjarðarbæjar að jafna hlutfall kynja í störfum hjá bænum og að vinnustaðir bæjarins endurspegli fjölbreytileika samfélagsins.

Leikskólastjóri - leikskólinn Hvammur