Starfssvið

Ráðgjöf og stuðningur við stjórnendur við ráðningar og nýliðun
Ráðningar og umsýsla við atvinnu- og dvalarleyfi og móttöku erlends starfsfólks
Móttaka og fræðsla nýliða
Þróun ferla og aðferða við ráðningar, móttöku nýliða og þjónustu við erlent starfsfólk
Þátttaka í umbótahópum um mannauðsmál

Hæfniskröfur

Háskólapróf með áherslu á mannauðsstjórnun, vinnusálfræði, stjórnun eða skyldar greinar
Reynsla af verkefnum sem tengjast mannauðsmálum er kostur
Reynsla af ráðningum og móttöku nýliða er kostur
Þekking og/eða reynsla af opinberri stjórnsýslu er kostur
Góð samskiptahæfni og lipurð í mannlegum samskiptum
Skipulagshæfileikar, frumkvæði, drifkraftur og metnaður til þess að ná árangri í starfi
Gott vald á íslensku og ensku í ræðu og riti

Umsóknarferli

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Umsóknarfrestur

Umsóknarfrestur er til og með 15.09.2025

Nánari upplýsingar veitir

Guðrún Alda Elísdóttir

gae@hi.is

Sækja um

Mannauðsráðgjafi í ráðninga- og nýliðunarteymi mannauðssviðs