Laus er til umsóknar 100% tímabundin staða náms- og starfsráðgjafa við Ölduselsskóla. Ölduselsskóli er heildstæður grunnskóli í Breiðholti með um 500 nemendur í 1. - 10. bekk.

Einkunnarorð skólans eru færni, virðing og metnaður.

Skólastarfið einkennist af öflugri kennslu í bóklegum og verklegum greinum, mikilli samvinnu starfsfólks sem miðar að því að koma til móts við ólíkar þarfir nemenda, styrkja samskipti innan nemendahóps og skapa metnaðarfullt námsumhverfi án aðgreiningar. Skólinn vinnur eftir Uppbyggingastefnunni – uppeldi til ábyrgðar. Unnið er markvisst með verkfæri stefnunnar og starfsfólk fær reglulega uppfræðslu.

Ölduselsskóli er símalaus skóli, sem þýðir að nemendur nota ekki síma á skólatíma nema með sérstöku leyfi kennara eða annars starfsfólks. Skólinn státar sig af fjölmenningarlegu umhverfi og við hann starfar öflugt foreldrafélag. Starfsmenn eru tæplega áttatíu talsins og ríkir góður starfsandi í skólanum. Ef þú vilt vera partur af þessum góða hópi, ert framsækinn náms- og starfsráðgjafi sem hefur óbilandi áhuga á að vinna með börnum þá viljum við endilega fá þig í starfslið Ölduselsskóla.

Helstu verkefni og ábyrgð

Að veita ráðgjöf um vinnubrögð.
Að veita persónulega ráðgjöf og stuðning við nemendur
Að veita ráðgjöf, hagsmunagæslu og upplýsingamiðlun sérhæfðra réttindamála.
Að veita ráðgjöf við náms og starfsval.
Að sinna starfi tengliðar farsældar í samvinnu við stjórnendur.
Að efla og viðhalda fagþekkingu sinni með reglubundinni endur- og símenntun.
Að taka þátt í teymisvinnu og vera í góðu samstarfi við aðra starfsmenn.
Að sinna skráningu og miðlum gagna samkvæmt stefnu skólans.
Að veita kennurum og stjórnendum upplýsingar og ráðgjöf.
Að veita foreldrum upplýsingar um skólann, skólastarfið og gengi viðkomandi nemanda.
Að taka þátt í mati á skólastarfi.
Að sinna og halda utan um skipulag valgreina á unglingastigi.
Önnur verkefni sem yfirmaður felur og fellur undir starfsvið náms- og starfsráðgjafa.

Menntunar- og hæfniskröfur

Leyfi til að nota starfsheitið náms- og starfsráðgjafi.

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Nánari upplýsingar um starfið veitir Erla Erlendsdóttir, skólastjóri í síma 411-7470 og í tölvupósti erla.erlendsdottir@reykjavik.is

Ölduselsskóli

Ölduseli 17

109 Reykjavík

Náms- og starfsráðgjafi í Ölduselsskóla