Ráðgjafi veitir stuðning og leiðbeiningar inni á heimili fjölskyldna, þar sem sett eru markmið með uppeldisráðgjöf í samráði við notendur og félagsráðgjafa. Ráðgjafi tekur virkan þátt í samstarfsteymi innan stuðnings og stoðþjónustu sem hittist reglulega til að deila þekkingu og reynslu.

Um er að ræða fjölbreytt og gefandi starf þar sem áhersla er lögð á að styðja foreldra í foreldrahlutverkinu inn á heimilum og stuðla að jákvæðum uppeldisaðferðum og farsæld barna.

Starfið krefst ákveðins sveigjanleika þar sem unnið er seinnipart dags og stundum fram á kvöld á virkum dögum. Mikilvægt er að starfsmaður geti unnið a.m.k 2-3 daga í viku til kl. 19/20 á kvöldin. Starfshlutfall er 50-100% eftir samkomulagi. Um tímabundið starf til eins árs er að ræða, með möguleika á áframhaldandi ráðningu.

Helstu verkefni og ábyrgð:

Uppeldisfræðsla og ráðgjöf til foreldra í samræmi við gagnreyndar uppeldisaðferðir inni á heimilum fjölskyldna.
Utanumhald um skráningu, dagálagerð og stöðuskýrslur til að meta árangur ráðgjafarinnar.
Þátttaka í þverfaglegu stuðningsteymi.
Virkt notendasamráð og samvinna við aðstandendur og aðra hagsmunaaðila, eins og leikskóla og grunnskóla.
Útbúa fræðsluefni og aðlaga fræðslu, þegar við á, vegna margbreytilegra þarfa notenda.
Eftirfylgd einstaklings- og þjónustuáætlana.

Hæfniskröfur:

Háskólamenntun sem nýtist í starfi, s.s. þroskaþjálfi eða á sviði félags- og menntavísinda.
Reynsla af starfi með fjölskyldum og börnum.
Geta til að tileinka sér og vinna eftir hugmyndafræði og aðferðum teymisins.
Framúrskarandi hæfni og lipurð í mannlegum samskiptum.
Frumkvæði, skipulagshæfni og sjálfstæði í vinnubrögðum.
Íslenskukunnátta B2 samkvæmt samevrópskum matsramma.
Hreint sakavottorð í samræmi við lög sem og reglur Reykjavíkurborgar.
Bílpróf og bíll til umráða.

Launakjör eru samkvæmt kjarasamningi Reykjavíkurborgar og viðkomandi stéttarfélags.

Nánari upplýsingar um starfið veitir Inga María Vilhjálmsdóttir

inga.maria.vilhjalmsdottir@reykjavik.is

Ráðgjafi heim