Austurmiðstöð auglýsir lausa stöðu ráðgjafa í deild barna og fjölskyldna með áherslu á fötlunarmál. Leitað er eftir metnaðarfullum og drífandi einstaklingi með einlægan áhuga á þjónustu við börn og barnafjölskyldur. Ráðgjafi mun sinna ráðgjöf vegna barna og barnafjölskyldna - einkum vegna barna með fatlanir, þverfaglegu samstarfi innan Austurmiðstöðvar og við samstarfsaðila, s.s. leikskóla, grunnskóla, frístundastarfsemi og aðra þjónustuveitendur, og þátttöku í sameiginlegu verkefni velferðarsviðs og skóla- og frístundasviðs, Betri borg fyrir börn.

Austurmiðstöð er framsækinn vinnustaður sem býður upp á spennandi tækifæri til að taka þátt í uppbyggingu á þjónustu í hverfi borgarinnar og þverfaglegu samstarfi í hverfi og milli hverfa. Í boði er vinna með metnaðarfullum hópi annarra fagmanna, sálfræðinga, félagsráðgjafa, kennsluráðgjafa, sérkennsluráðgjafa, talmeinafræðinga o.fl., að málefnum barna, skóla og fjölskyldna sem og þátttaka í sameiginlegu verkefni velferðarsviðs og skóla- og frístundasviðs, Betri borg fyrir börn. Markmið verkefnisins er að efla þjónustu við börn, ungmenni og fjölskyldur þeirra og þétta samstarf skóla- og frístundasviðs og velferðarsviðs.

Fríðindi í starfi:

36 stunda vinnuvika
Heilsustyrkur
Sundkort
Menningarkort
Samgöngustyrkur

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð:

Ráðgjöf og þjónusta vegna barna og barnafjölskyldna með áherslu á fatlanir barna.
Málstjórn, ábyrgð og vinnsla einstaklings- og fjölskyldumála.
Gerð grunnmats vegna stuðningsþjónustu fyrir börn og unglinga og fjölskyldur þeirra.
Gerð tillagna að umönnunarmati fyrir fötluð og langveik börn.
Umsjón og yfirsýn einstaklingsbundinna þjónustuáætlana.
Ráðgjöf, fræðsla og upplýsingagjöf til notenda, samstarfsaðila og veitenda þjónustu við börn, unglinga og fjölskyldur.
Þverfaglegt starf innan Austurmiðstöðvar, ekki síst í teymi Betri borgar fyrir börn.
Samvinna við samstarfsaðila.

Menntunar- og hæfnikröfur:

Háskólamenntun sem nýtist í starfi, helst á sviði mennta-, félags eða heilbrigðisvísinda.
Framhaldsmenntun á sviði fötlunar er æskileg.
Þekking og reynsla af ráðgjöf og þjónustu við börn og fjölskyldur, einkum vegna fatlaðra barna.
Þekking á hugmyndafræði sjálfstæðs lífs og samnings Sameinuðu þjóðanna um réttindi fatlaðs fólks.
Þekking og reynsla af starfi á sviði velferðarþjónustu Reykjavíkurborgar eða öðru sveitarfélagi er kostur.
Áhugi á þverfaglegu samstarfi.
Frumkvæði, skipulagshæfileikar, sjálfstæði í vinnubrögðum og framúrskarandi hæfni í mannlegum samskiptum.
Jákvætt hugarfar, lausnamiðað viðhorf og vilji til að taka þátt í þróunarstarfi.
Íslenskukunnátta á stigi C1 samkvæmt samevrópskum tungumálaramma.
Hreint sakavottorð í samræmi við lög, sem og reglur Reykjavíkurborgar.

Umsóknarfrestur er til 23. mars 2026. Umsóknir munu gilda í sex mánuði eftir að umsóknarfrestur rennur út.

Laun eru samkvæmt samningi Reykjavíkurborgar og viðkomandi stéttarfélags.

Nánari upplýsingar um starfið veitir Hulda Sólrún Guðmundsdóttir deildarstjóri í síma 411-1400 eða tölvupósti hulda.solrun.gudmundsdottir@reykjavik.is

Ráðgjafi í deild barna og fjölskyldna með áherslu á fötlunarmál