Rimaskóli er heildstæður grunnskóli með um 500 nemendum í 1.-10. bekk. Við skólann starfar reynslumikið og samhent starfsfólk. Skólinn hefur á að skipa íþróttahúsi en sund er kennt í Grafarvogslaug. Lögð er áhersla á mikið og gott samstarf innan árganga og aldursstiga. Í Rimaskóla er lögð áhersla á PALS, leiðsagnarnám, Heillaspor og Uppeldi til ábyrgðar.

Staðan er frá 1. ágúst 2026. Um er að ræða 80-100% starfshlutfall.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

Annast kennslu nemenda í samráði við skólastjórnendur, aðra kennara og foreldra.
Vinna að þróun skólastarfs með stjórnendum og samstarfsmönnum.
Stuðla að velferð nemenda í samstarfi við foreldra og annað fagfólk.
Vinna samkvæmt stefnu skólans og taka þátt í þróunarverkefnum innan skólans.

Hæfniskröfur

Leyfi til að nota starfsheitið kennari.
Menntun og hæfni til íþrótta- og sundkennslu.
Reynsla og áhugi á að starfa með börnum.
Framúrskarandi hæfni í samskiptum og sveigjanleiki í starfi.
Faglegur metnaður.
Áhugi á að starfa í skapandi og metnaðarfullu umhverfi.
Stundvísi og lipurð í samskiptum
Íslenskukunnátta C2 samkvæmt evrópska tungumálarammanum.

Frekari upplýsingar um starfið veitir Þóranna Rósa Ólafsdóttir skólastjóri í síma 411-7720 eða í netfanginu thoranna.rosa.olafsdottir@reykjavik.is

Laun eru samkvæmt samningi Sambands íslenskra sveitarfélag og KÍ v/ Félags grunnskólakennara.

Rimaskóli leitar að íþrótta- og sundkennara