Samfélagshúsið í Bólstaðarhlíð 43 óskar eftir að ráða starfsmann í sumar við að aðstoða í félagsstarfinu og eldhúsi. Í Bólstaðarhlíð 43 fer fram fjölbreytt félagsstarf og viðburðir fyrir fólk á öllum aldri þar sem markmiðið er að efla og virkja fólk til félagslegrar þátttöku. Reynt er að hafa dagskrá hússins og starfsemi þannig að hún höfði til eldri borgara en einnig að hún höfði til fólks óháð aldri, kyni og uppruna.

Vinnutími er áætlaður frá 08:00 – 16:00 alla virka daga í átta vikur á tímabilinu júní – ágúst.

Helstu verkefni og ábyrgð

Starfar í teymi samfélagshússins
Skipuleggur og heldur úti dagskrá samfélagshússins
Skipuleggur viðburði
Hvetur fólk til félagslegrar virkni
Tilfallandi aðstoð í eldhúsi kringum hádegismat og á opnun kaffihúsins
Önnur verkefni sem yfirmenn kunna að fela viðkomandi

Hæfniskröfur

Sveigjanleiki og hæfni í mannlegum samskiptum
Frumkvæði, jákvæðni og sjálfstæð vinnubrögð
Hreint sakavottorð í samræmi við lög sem og reglur Reykjavíkurborgar
Íslenskukunnátta B2 í samræmi við samevrópskan tungumálaramma

Frekari upplýsingar um starfið

Laun eru samkvæmt samningi Reykjavíkurborgar og Sameykis

Nánari upplýsingar um starfið veitir Ragnhildur Þorsteinsdóttir verkefnastjóri í tölvupósti ragnhildur.thorsteinsdottir@reykjavik.is.

Samfélagshúsið í Bólstaðarhlíð 43 óskar eftir starfsmanni í sumarafleysingu