Við hjá Landsvirkjun vinnum að því að tryggja sjálfbæra og örugga orkuvinnslu framtíðarinnar. Við leitum að sérfræðingi til að taka virkan þátt í að efla kostnaðarstýringu og yfirsýn í fjölmörgum framkvæmdaverkefnum okkar, og nýta tækni í auknum mæli við gagnadrifna ákvörðunartöku.

Í þessu starfi færð þú tækifæri til að vinna þvert á teymi og deildir, í nánu samstarfi við verkefnastjóra framkvæmdasviðs. Starfið er fjölbreytt og krefjandi og krefst lipurðar í samskiptum, greiningarhæfni og lausnamiðaðrar nálgunar. Þú leiðir vinnu við að samræma og staðla vinnubrögð og tekur þátt í að innleiða verklag sem stuðlar að aukinni yfirsýn, skilvirkni og hagkvæmni í framkvæmdum.

Við hverju má búast?

Umsjón með aðferðafræði kostnaðarstýringar við undirbúning og rekstur framkvæmdaverkefna
Stuðningi við verkefnastjóra tengt kostnaðareftirliti og áætlunum framkvæmdaverkefna
Þróun á gagnavistun, -vinnslu og upplýsingagjöf sem styður við skilvirkari ákvörðunartöku
Skilgreiningu árangursmælikvarða í kostnaðarstýringu og eftirfylgni þeirra
Umsjón með þróun og innleiðingu tækni fyrir kostnaðareftirlit

Hefur þú eftirfarandi hæfni og reynslu sem nýtist í starfi?

Háskólamenntun sem nýtist í starfi, t.d. verkfræði, fjármál eða endurskoðun
Reynsla af kostnaðarstýringu kemur að góðum notum
Reynsla af verkefnastjórnun er kostur
Færni í upplýsingatækni og gagnagreiningu er nauðsynleg
Framúrskarandi samskiptahæfni og geta til að vinna þvert á teymi og deildir

Hvernig vinnustaður er Landsvirkjun?

Við leggjum áherslu á fagmennsku, sjálfbærni og stöðugar umbætur. Sem hluti af teymi okkar færðu tækifæri til að vinna að metnaðarfullum verkefnum í orkugeiranum sem hafa raunveruleg áhrif á samfélagið. Við styðjum við starfsfólk okkar með símenntun, sveigjanleika og góðu starfsumhverfi þar sem jafnrétti, traust og samvinna eru í forgrunni.

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og hvað kveikir áhuga þinn á starfinu. Fyrirspurnir má senda á netfangið mannaudur@landsvirkjun.is.

Sérfræðingur í kostnaðarstýringu