Ertu peppaður preppari með góða skipulagshæfileika? Við leitum að sérfræðingi í verkefnaundirbúningi á Suðurlandi. Tengdu þig við okkur og taktu þátt í að byggja upp trausta undirstöðu þriðju orkuskiptanna.

Helstu verkefni og ábyrgð

Sérfræðingur í verkefnaundirbúningi þarf að eiga auðvelt með samskipti þar sem stór hluti starfsins snýst um samtal við hagsmunaaðila verkefna. Hér þarf að undirbúa spennandi verkefni, stór og smá, í samstarfi við ýmsa hagaðila, s.s. sveitarfélög og ýmsar stofnanir, og tryggja að framkvæmdir okkar séu gerðar í sátt og samlyndi við nærsamfélagið og hafi tilskilin leyfi.

Menntunar- og hæfniskröfur

Öll menntun sem nýtist í starfi er kostur en að auki leitum við eftir manneskju með framúrskarandi samskiptahæfileika, auðmjúkri en ákveðinni og gjarnan með bakgrunn tengdan skipulagsmálum, samningagerð eða opinberri stjórnsýslu. Gott er að geta unnið sjálfstætt og hafa mikla skipulagshæfileika. Rétta manneskjan í starfið þarf einnig að vera spennt fyrir breytingum og því að læra nýja hluti því þetta er starf sem á eftir að mótast mikið og þróast með tilkomu nýrrar tækni á næstu árum. Reynsla og/eða þekking af rafmagni er kostur en ekki nauðsyn.

Rarik er þekkingar- og þjónustufyrirtæki í fararbroddi sem starfar af ábyrgð og nýtir bestu fáanlegu tækni með gagnkvæman hag að leiðarljósi. Hjá okkur gefst starfsfólki tækifæri til að glíma við spennandi og krefjandi verkefni í faglegu umhverfi og vinna með teymi sérfræðinga að því að tryggja trausta undirstöðu fyrir þriðju orkuskiptin á Íslandi.

Staðsetning sérfræðings í verkefnaundirbúningi er á Suðurlandi, en við erum með starfsstöðvar á Selfossi og Hvolsvelli. Við leggjum áherslu á jafnrétti og fjölbreytileika mannauðs og tökum vel á móti alls konar fólki.

Tengdu þig við Rarik og láttu strauminn rætast!

Nánari upplýsingar veitir Daníel Leó Ólason, deildarstjóri nýlagna, í gegnum netfangið daniel@rarik.is

Sérfræðingur í verkefnaundirbúningi á Suðurlandi - preppaðu með okkur!