Skrifstofa starfsþróunar og starfsumhverfis óskar að ráða sérfræðing á sviði viðverustjórnunar í 100% starf. Sérfræðingur í viðverustjórnun er hluti af þriggja manna teymi sem hefur það hlutverk að vinna að lægra veikindahlutfalli hjá Reykjavíkurborg, á grundvelli viðverustefnu Reykjavíkurborgar.

Meðal verkefna eru ráðgjöf og stuðningur við stjórnendur um viðverusamtöl, endurkomusamtöl og aðrar aðgerðir, auk kynningar- og fræðslustarfs. Unnið er náið með starfsfólki mannauðsmála á sviðum borgarinnar og með sérfræðingum mannauðs- og starfsumhverfissviðs.

Skrifstofa starfsþróunar og starfsumhverfis er hluti af mannauðs- og starfsumhverfissviði Reykjavíkurborgar og ber ábyrgð á og veitir ráðgjöf um heilsueflingu, viðverustjórnun, öryggi og vinnuvernd, fræðslu og innri miðlun. Mannauðs- og starfsumhverfissvið er staðsett í Ráðhúsi Reykjavíkur en starfið felur í sér vinnu með stjórnendum á öllum sviðum borgarinnar á fjölbreyttum starfsstöðum um alla borg.

Helstu verkefni og ábyrgð

Þátttaka í kynningum á vinnustöðum, viðverusamtölum, eftirfylgnisamtölum og endurkomusamtölum.
Ráðgjöf við stjórnendur sem taka þátt í verkefninu.
Þátttaka í mótun og þróun verklags um lækkun veikindahlutfalls hjá Reykjavíkurborg.
Aðkoma að þróun fræðsluefnis fyrir stjórnendur og starfsfólk um viðverumál og afleiðingar hárra fjarvista.
Markmiðasetning og utanumhald um árangursmælikvarða og mótun á vörðum um framgang verkefnisins.
Aðkoma að stefnumótun um áframhaldandi þróun viðverustefnu.
Þátttaka í vinnuhópum og öðrum verkefnum á sviði mannauðsmála.

Hæfniskröfur

Háskólagráða sem nýtist í starfi, framhaldsmenntun á sviði mannauðsmála er æskileg.
Reynsla af mannauðsmálum og ráðgjöf við stjórnendur er skilyrði.
Reynsla í viðverustjórnun og samstarfi við trúnaðarlækna er æskileg.
Reynsla af vinnu við mannauðskerfi (s.s. Vinnustund) og úrvinnslu gagna t.d. í Excel er kostur.
Reynsla af skipulagi mönnunar eða vaktaskipulagningu er kostur.
Færni í helstu Office forritum s.s. Teams, VivaEngage og Outlook.
Sjálfstæði og frumkvæði.
Ríkur þjónustuvilji og færni í samvinnu og samskiptum.
Íslenskukunnátta á stigi C2 og enskukunnátta á stigi B2 samkvæmt evrópska tungumálarammanum.

Við bjóðum

Áhugavert starf við mannauðsmál á stærsta vinnustað landsins
36 stunda vinnuviku í fullu starfi
Heilsustyrk, menningarkort og frítt í sund
Samgöngusamning
Gott mötuneyti

Starfið er ótímabundið og starfshlutfall er 100%. Stefnt er að því að ráða í tvö stöðugildi. Laun eru samkvæmt kjarasamningi Reykjavíkurborgar við hlutaðeigandi stéttarfélag.

Nánari upplýsingar um starfið veitir

Ásta Bjarnadóttir (asta.bjarnadottir@reykjavik.is)