Metnaðarfullur sérfræðingur óskast til framtíðarstarfa á heimili fyrir fatlað fólk.

Hafnarfjarðarbær óskar eftir að ráða öflugan sérfræðing í lærdómsríkt starf á heimili fatlaðs fólks. Starfshlutfall er 80-100% og þarf viðkomandi að geta unnið allar tegundir vakta. Unnið er eftir hugmyndafræði Þjónandi leiðsagnar.

Helstu verkefni og ábyrgð:

Veita þjónustunotendum stuðning við athafnir daglegs lífs
Vinna við gerð þjónustu- og einstaklingsáætlana í samráði við notanda og endurmat á þeim
Sinnir faglegu starfi í samstarfi og samráði við þjónustunotendur og forstöðumann
Tekur þátt í fræðslu og faglegum stuðningi við dagleg störf starfsmanna
Fylgja eftir þjónustuáætlunum og verklagsreglum
Virkja þjónustunotendur til ýmissa tómstunda
Hafa gaman í vinnunni og vera öðrum fyrirmynd
Almenn heimilisstörf
Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

Háskólamenntun (B.A/B.S) á sviði þroskaþjálfunar, sálfræði, uppeldisfræði, iðjuþjálfunar eða öðru viðurkenndu fagsviði sem nýtist í starfi
Reynsla af starfi með fötluðu fólki
Reynsla af verkefnastýringu eða utanumhaldi verkefna kostur.
Áhugi á málefnum fatlaðs fólks.
Samstarfs- og skipulagshæfileikar.
Sjálfstæð vinnubrögð.
Samviskusemi, þolinmæði og hæfni í mannlegum samskiptum.
Jákvætt viðmót og rík þjónustulund.
Líkamleg geta til að sinna krefjandi verkefnum á vinnustaðnum
Íslenskukunnátta skilyrði, A2 tungumálastaðall ETM Sjálfsmatsrammi (coe.int)

Skilyrði er að viðkomandi hafi náð 20 ára aldri og hafi hreint sakavottorð.

Frekari upplýsingar um starfið veitir Birgitta Rós Skarphéðinsdóttir, forstöðumaður í síma 565-0301, netfang: birgittar@hafnarfjordur.is

Laun samkvæmt gildandi kjarasamningi Sambands íslenskra sveitarfélaga við BHM.

Umsóknarfrestur er til og með 9. júlí 2026.

Umsókn fylgi greinargóð ferilskrá.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.

Sérfræðingur óskast á heimili fyrir fatlað fólk - Svöluás