Gerðaskóli auglýsir eftir metnaðarfullum sérkennara í fullt starf í námsveri skólans.

Í Gerðaskóla eru um 250 nemendur. Við skólann starfa áhugasamir og metnaðarfullir starfsmenn. Lögð er áhersla á að skapa námsumhverfi þar sem allir eru virkir, öllum líði vel og allir læri að bera virðingu fyrir sjálfum sér, öðrum og umhverfi sínu.

Gildi skólans eru; virðing – ábyrgð - árangur – ánægja

Skólinn er heilsueflandi grunnskóli sem vinnur eftir stefnunni Jákvæður agi með það að markmiði að allir fái tækifæri til að vera besta útgáfan af sjálfum sér í leik og starfi. Nánari upplýsingar er að finna á heimasíðu skólans, www.gerdaskoli.is

Menntunar- og hæfniskröfur

Leyfisbréf kennara (fylgi með umsókn)
Nám í sérkennslufræðum skilyrði
Reynsla af kennslu í grunnskóla kostur
Metnaður og einlægur áhugi á að vinna með börnum og unglingum á faglegan, fjölbreyttan og skapandi hátt
Jákvæðni og hæfni í mannlegum samskiptum
Áhugi og metnaður fyrir góðum foreldrasamskiptum.
Frumkvæði og sjálfstæði í vinnubrögðum.
Skapandi hugsun og áhugi á að starfa í metnaðarfullu umhverfi.
Góð íslenskukunnátta er skilyrði

Ráðið er í stöðuna frá 1. ágúst 2026.

Skilyrði við ráðningu er að viðkomandi hafi hreint sakavottorð.

Laun eru samkvæmt kjarasamningi Sambands íslenskra sveitarfélaga og Félags grunnskólakennara.

Umsóknarfrestur er til og með 13. apríl 2026.

Nánari upplýsingar um starfið veitir Jón Ragnar Ástþórsson, skólastjóri Gerðaskóla, jonragnar@gerdaskoli.is eða í síma 425-3050.

Umsókn skal fylgja starfsferilskrá, afrit af leyfisbréfi til að nota starfsheitið kennari, kynningarbréf ásamt upplýsingum um umsagnaraðila og annað er málið varðar.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin.

Sérkennari í námsveri - Gerðaskóli