Blásalir er fjögurra deilda leikskóli við Brekknaás í Árbæ. Áhersla er lögð á útiveru, skapandi starf og gleði. Leikskólinn er með Grænfánann og eru græn gildi og útikennsla einkennandi fyrir starfið. Uppeldisstefna skólans er að miklu leiti byggð á kenningu John Dewey um nám barna. Lögð er áhersla á að efla virðingu fyrir einstaklingnum, sjálfshjálp, félagsfærni og snemmtæka íhlutun. Leiðarljós leikskólans er ,,heilbrigð sál í hraustum líkama” sem vísar til þess að börnin þurfa að borða hollan mat, fá góða hreyfingu og reglulegan svefn til að geta notið þess að vera úti í náttúrunni í hvaða veðri sem er.

Einkunnarorð leikskólans eru: Virðing - Gleði - Hreysti - Sköpun

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

75% - 100% starf

Helstu verkefni og ábyrgð:

Yfirumsjón með skipulagningu, framkvæmd og endurmati sérkennslu í leikskólanum í samráði við leikskólastjóra.
Yfirumsjón með gerð verkefna og gerð einstaklingsnámskráa.
Yfirumsjón með samskiptum við foreldra, ráðgjafa og annarra sem koma að sérkennslu.
Fræðsla, ráðgjöf og stuðningur við foreldra og starfsmenn.
Að veita börnum með sérþarfir leiðsögn og stuðning.
Starfa sem tengiliður farsældar í leikskólanum.

Hæfniskröfur:

Leikskólakennaramenntun, leikskólasérkennaramenntun, þroskaþjálfamenntun, Bs. í sálfræði eða önnur sambærileg menntun sem nýtist í starfi.
Reynsla af sérkennslu.
Reynsla úr leikskóla.
Lipurð og sveigjanleiki í samskiptum.
Frumkvæði í starfi og faglegur metnaður.
Sjálfstæð og skipulögð vinnubrögð.
Góð tölvukunnátta.
Hreint sakavottorð í samræmi við lög og reglur Reykjavíkurborgar
Góð íslenskukunnátta skilyrði B2 samkvæmt evrópska tungumálarammanum

Fríðindi í starfi

36 stunda vinnuvika
Íþróttastyrkur
Sundkort
Samgöngustyrkur

Frekari upplýsingar um starfið

Laun eru samkvæmt samningi Reykjavíkurborgar og hlutaðeigandi stéttarfélags.

Nánari upplýsingar um starfið veitir Hólmfríður Bjargey Hannesdóttir leikskólastjóri í tölvupósti holmfridur.bjargey.hannesdottir@reykjavik.is eða í síma 4116820

Sérkennslustjóri