Endurhæfingarteymi í Norðurmiðstöð leitar af öflugum sjúkraliða til starfa í fullt starf. Unnið er á dagvinnutíma alla virka daga.

Reykjavíkurborg veitir samþætta heimaþjónustu sem samanstendur af heimastuðningi og heimahjúkrun og nú einnig endurhæfingu í heimahúsi. Hugmyndafræði endurhæfingar í heimahúsi byggist á þverfaglegri endurhæfingu inn á heimili íbúans þar sem áhersla er lögð á hjálp til sjálfshjálpar.

Þjónustan er tímabundin og ætluð þeim sem eru að kljást við færniskerðingu og þurfa heimaþjónustu.

Endurhæfingarteymið samanstendur af iðjuþjálfa, hjúkrunarfræðingi, sjúkraþjálfara/íþróttafræðingi, sjúkraliðum og félagsliðum. Teymið veitir persónumiðaða þjónustu þar sem endurhæfingaráætlun byggist á þörfum íbúans og hefur það markmið að styðja og styrkja færni, auka bjargráð og efla félagslega þátttöku í samfélaginu.

Helstu verkefni og ábyrgð

Sjúkraliði ber ábyrgð á því að veita persónumiðaða aðstoð við athafnir daglegs lífs á heimili notandans, ráðgjöf, stuðning og framfylgir meðferðáætlun í samvinnu við aðrar fagstéttir teymisins.
Greinir og skráir mat á líkamlegu, andlegu og félagslegu ástandi notanda og þjónustuþörf.
Hefur yfirsýn með þörfum notanda með tilliti til mögulegra hjálpartækja og þjónustuúrræða.
Þróun og þátttaka í þverfaglegu starfi og faglegri uppbyggingu.
Önnur þau verkefni sem starfsmanni kunna að verða falin af yfirmanni.

Menntun og hæfniskröfur

Sjúkraliðamenntun, íslenskt starfsleyfi.
Íslenskukunnátta á bilinu B1-B2 (í samræmi við samevrópska tungumálaramma).
Hreint sakavottorð í samræmi við lög sem og reglur Reykjavíkurborgar.
Skipulagshæfni og faglegur metnaður.
Góð tölvufærni og heiðarleiki í mannlegum samskiptum.
Áhugi á þróun og uppbyggingu faglegs starfs og teymisvinnu.
Sjálfstæð vinnubrögð og frumkvæði í starfi.
Sérmenntun kostur.

Fríðindi í starfi

Sund- og menningarkort.
Samgöngustyrkur
Heilsustyrkur
Mötuneyti.
36 stunda vinnuvika

Laun eru samkvæmt samningi Reykjavíkurborgar og Sjúkraliðafélags Íslands.

Nánari upplýsingar veitir Aldís Ösp teymisstjóri endurhæfingar í heimahúsi í Efstaleiti 1 í s. 620-1940 eða tölvupósti aldis.osp.gudrunardottir@reykjavik.is

Sjúkraliði í endurhæfingarteymi