Hraunvallaskóli óskar eftir að ráða skóla- og frístundaliða í 50% starf í frístundaheimilið Drekasel

Um er að ræða starf sem felur í sér stuðning og aðstoð við nemendur í frístundaheimilinu Drekaseli sem er frístundaheimili fyrir börn með einhverfu frá kl. 13:00-16:30 virka daga. Sérstök áhersla í starfinu er að koma til móts við öll börn og mikilvægt er að umsækjandi hafi jákvæða afstöðu til nemenda með fjölþættan vanda og tiltrú á getu hvers og eins.

Hraunvallaskóli hefur þá sérstöðu að innan veggja hans er rekinn bæði leik- og grunnskóli. Skólinn starfar eftir hugmyndafræði opna skólans og er byggingin hönnuð með það í huga. Dyggðir Hraunvallaskóla eru vinátta, samvinna og ábyrgð. Nánari upplýsingar um skólann má finna á heimasíðunni www.hraunvallaskoli.is

Starfshlutfall ráðningar er 50% en möguleiki er á aukningu í starfshlutfalli (allt að 100%) með því að vinna einnig í Hraunvallaskóla eða Hraunborg (deild fyrir börn með einhverfu) sem skóla- og frístundaliði fyrir hádegi. Ráðið er í starfið frá 10. ágúst.

Helstu verkefni og ábyrgð:

Aðstoðar við faglegt starf með nemendum
Starfar samkvæmt leiðsögn frá næsta yfirmanni
Stuðlar að góðum aga og jákvæðum samskiptum
Fylgist með og aðstoðar nemendur í leik og starfi
Leitast við að virkja sem flesta óháð getu eða þroska í fjölbreytt verkefni og taka fullan þátt í þeim verkefnum og viðburðum sem eru skipulögð
Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

Reynsla af starfi með börnum er æskileg
Íslenskukunnátta A2 samkvæmt samevrópskum tungumálaramma
Almenn tölvukunnátta
Mikill áhugi og metnaður til að starfa með börnum
Uppbyggjandi í samskiptum, sveigjanleiki og mikil samstarfshæfni
Frumkvæði og sjálfstæði í vinnubrögðum
Stundvísi og samviskusemi

Nánari upplýsingar um starfið veitir Lars Jóhann Imsland skólastjóri, lars@hraunvallaskoli.is, Aðalbjörg Sigurðardóttir aðstoðarskólastjóri, adalbjorgs@hraunvallaskoli.is og Arnbjörg Mist Ásgeirsdóttir deildarstjóri Tómstundamiðstöðvar, arnbjorga@hraunvallaskoli.is eða í síma 590 2800.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 15. júlí 2026.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika

Skóla- og frístundaliði í Drekasel - Hraunvallaskóli