Fjármála- og áhættustýringarsvið Reykjavíkurborgar leitar að öflugum leiðtoga til að stýra skrifstofu fjármálaþjónustu og innkaupa.

Fjármála- og áhættustýringarsvið Reykjavíkurborgar hefur unnið að stefnumótun og umbótum á síðustu árum með það að markmiði að veita skilvirka fjármálaþjónustu, styðja við öfluga framþróun og farsæla ákvarðanatöku í rekstri borgarinnar.

Skrifstofustjóri fjármálaþjónustu og innkaupa ber ábyrgð á daglegum rekstri skrifstofunnar en þar starfa nú 14 sérfræðingar og er skrifstofustjóri hluti af sviðsstjórn fjármála- og áhættustýringarsviðs.

Við leitum að öflugum leiðtoga með reynslu og þekkingu af rekstri og innkaupum, auk farsællar reynslu af stjórnun, breytingastjórnun og umbótum til að taka þátt í áframhaldandi vegferð sviðsins.

Helstu ábyrgðarsvið

Ábyrgð á þjónustu-, ráðgjafar- og eftirlitshlutverki gagnvart sviðum og stofnunum A-hluta á sviði innkaupa og rekstrar
Umsjón og ábyrgð á rekstrarlegu eftirliti með sviðum og stofnunum og veita þeim stuðning og ráðgjöf
Ábyrgð á innkaupamálum og fylgja eftir innkaupastefnu borgarinnar
Leita leiða til hagkvæmni í innkaupum og rekstri og stuðla að samræmingu og nýsköpun
Ráðgefandi hlutverk við gerð útboðsgagna og rekstur útboðs- og innkaupaferla
Ábyrgð á samræmdu mælaborði fjárhags- og rekstrarupplýsinga fyrir stjórnendur og sérfræðinga
Stýra daglegum rekstri skrifstofunnar og stuðla að jákvæðu starfsumhverfi og góðri liðsheild
Ábyrgð á stefnumótun, ferlavinnu og umbótum

Menntunar- og hæfniskröfur:

Háskólagráða og framhaldsmenntun sem nýtist í starfi
Þekking og reynsla á sviði innkaupamála
Yfirgripsmikil reynsla af rekstri
Farsæl reynsla af stjórnun og uppbyggingu liðsheildar
Leiðtogahæfileikar og áhugi á að leiða breytingar og umbætur
Greiningarhæfni og færni í miðlun upplýsinga
Frumkvæði, sjálfstæði og fagleg vinnubrögð
Framsýni og metnaður til að ná árangri í starfi
Framúrskrandi hæfni í mannlegum samskiptum og lausnamiðuð hugsun
Íslenskukunnátta C2 og enskukunnátta B2 skv. evrópska tungumálarammanum

Umsókn þarf að fylgja ítarleg starfsferilskrá ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsóknarfrestur er til og með 10. ágúst 2026.

Umsækjendur eru vinsamlega beðnir um að sækja um starfið á heimasíðu Reykjavíkurborgar, www.reykjavik.is/storf

Nánari upplýsingar um starfið veitir Halldóra Káradóttir, sviðsstjóri fjármála- og áhættustýringarsviðs í gegnum tölvupóstfangið halldora.karadottir@reykjavik.is