Í íbúðakjarnanum Mururima 4 starfar kraftmikill og skemmtilegur starfsmannahópur sem tekur vel á móti nýju fólki. Leitast er eftir að skapa jákvætt og heilsueflandi starfsmannaumhverfi sem skilar sér í þjónustu við íbúa.

Unnið er eftir hugmyndafræði sjálfstæðs lífs og þjónandi leiðsagnar. Starf stuðningsfulltrúa byggir á stefnu Reykjavíkurborgar um þjónustu við fatlað fólk á heimilum sínum.

Starfshlutfall er samkomulag um fullt starf eða hlutastarf og er laus frá 1. maí til 15. ágúst. Íbúakjarninn Mururimi 4 er með sólahringsþjónustu en um er að ræða vaktavinnu sem skiptist í dag-, kvöld- og helgarvaktir (í einstökum tilfellum næturvaktir) og viðkomandi þarf að geta unnið allar vaktir.

Helstu verkefni og ábyrgð

Að hvetja og styðja einstaklinga til sjálfstæðs lífs með valdeflandi stuðningi og aðstoð.
Að styðja einstaklinga við athafnir daglegs lífs s.s. við heimilishald og samfélagsþátttöku.
Að sinna umönnun og vera vakandi fyrir andlegri og líkamlegri líðan íbúa og aðstoða þá varðandi heilsufarslega þætti eftir þörfum hverju sinni.
Að styðja einstaklinga til félagslegrar þátttöku s.s. að rækta félagstengsl, stunda afþreyingu og að sækja menningarviðburði.
Önnur þau störf sem starfsmanni kunna að vera falin af yfirmanni.

Hæfniskröfur

Góð almenn menntun sem nýtist í starfi.
Reynsla af starfi með fötluðu fólki æskileg.
Góð hæfni í mannlegum samskiptum.
Frumkvæði, skipulagshæfni, stundvísi og sjálfstæði í vinnubrögðum.
Góð íslenskukunnátta C1 samkvæmt evrópska tungumálarammanum.
Æskilegt er að umsækjandi hafi náð 20 ára aldri.
Hreint sakavottorð í samræmi við lög sem og reglur Reykjavíkurborgar.
Gilt ökuskírteini er kostur.

Frekari upplýsingar um starfið

Laun eru samkvæmt samningi Reykjavíkurborgar og Sameykis.
Nánari upplýsingar um starfið veitir Sævar Kári Bogason forstöðumaður í tölvupóst saevar.kari.bogason@reykjavik.is.

Spennandi sumarstarf í íbúðarkjarna í Grafarvogi