Starf í innkaupadeild

Við hjá Landsvirkjun leggjum okkur fram um að hámarka verðmæti þeirra endurnýjanlegu orkulinda sem fyrirtækinu er trúað fyrir. Við leitum að úrræðagóðum og drífandi einstaklingi til að ganga til liðs við innkaupateymið okkar. Teymið vinnur þétt saman, en starfar líka með öðru starfsfólki vítt og breitt um landið.

Sem innkaupafulltrúi sinnir þú fjölbreyttum og krefjandi verkefnum, hefur aðkomu að framkvæmd innkaupa og veitir samstarfsfólki ráðgjöf um innkaupaferlið. Við leggjum því mikla áherslu á góða skipulagshæfni, þjónustulund og hæfni til að vinna sjálfstætt.

Ráðningin er tímabundin til tveggja ára og getur hentað sérstaklega vel einstaklingi sem hyggst taka sér hlé frá námi.

Við hverju má búast?

Að kenna samstarfsfólki á hugbúnað og verklag
Að koma að innkaupaferlum með innkaupateyminu
Að aðstoða við upplýsingaöflun og eftirlit
Að taka þátt í þróun kerfa, verklags og ferla innkaupa

Hefur þú eftirfarandi hæfni og reynslu sem nýtist í starfi?

Háskólamenntun eða stúdentspróf og starfsreynslu sem nýtist í starfi
Tölvufærni og hæfni til að læra á ný forrit
Framúrskarandi samskiptahæfni og vilja til að vinna í teymi
Góða ensku- og íslenskukunnáttu
Frumkvæði, metnað, sveigjanleika og nákvæmni

Hvernig vinnustaður er Landsvirkjun?

Landsvirkjun leggur ríka áherslu á fagmennsku, frumkvæði, öryggi, sjálfbærni og stöðugar umbætur. Hjá okkur færðu tækifæri til að vinna að metnaðarfullum verkefnum í orkugeiranum sem hafa raunveruleg áhrif á samfélagið. Við styðjum starfsfólk með símenntun, sveigjanleika og góðu starfsumhverfi þar sem traust, jafnrétti og samvinna eru í forgrunni.

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og áhuga á starfinu. Fyrirspurnir má senda á netfangið mannaudur@landsvirkjun.is