Skammtímadvöl er fyrir fötluð ungmenni sem dvelja þar í mislangan tíma, markmið og hlutverk skammtímadvalar er að veita ungmennum og fjölskyldum þeirra stuðning við sín daglegu verkefni.

Í boði er fjölbreytt og spennandi starf í vaktavinnu. Starfshlutfall er 80%. Um er að ræða vaktavinnu þ.e. morgun-, kvöld-, nætur og helgarvaktir. Unnið er eftir hugmyndafræði Þjónandi leiðsagnar. Ráðning er frá og með 1. september 2026

Helstu verkefni og ábyrgð:

Veita þjónustunotendum stuðning við athafnir daglegs lífs
Fylgja eftir áætlunum og verklagsreglum
Leitast við að auka lífsgæði og sjálfstæði fatlaðs fólks og stuðla að valdeflingu þeirra
Almenn heimilisstörf
Hafa gaman í vinnunni og vera öðrum fyrirmynd
Önnur verkefni samkvæmt starfslýsingu

Menntunar- og Hæfniskröfur:

Reynsla af sambærilegu starfi
Áhugi á málefnum fatlaðs fólks
Þjónustulund og jákvæðni í starfi
Hæfni í mannlegum samskiptum
Frumkvæði og samviskusemi
Sjálfstæð vinnubrögð og sveigjanleiki í starfi
Íslenskukunnátta skilyrði, A2 tungumálastaðall ETM Sjálfsmatsrammi (coe.int)
Líkamleg geta til að sinna verkefnum á vinnustað

Skilyrði er að viðkomandi hafi náð 20 ára aldri og hafi hreint sakavottorð.

Frekari upplýsingar um starfið veitir Hildur Harðardóttir, forstöðuþroskaþjálfi í síma: 565-2545, netfang: hildurh@hafnarfjordur.is

Laun samkvæmt gildandi kjarasamningi Sambands íslenskra sveitarfélaga við viðkomandi stéttarfélag.

Umsóknarfrestur er til og með 12. júlí 2026

Umsókn fylgi greinargóð ferilskrá.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum að vinnustaðir bæjarins endurspegli fjölbreytileika samfélagsins.

Starfsmaður á skammtímadvöl fyrir fatlað fólk - Hnotubergi