Vilt þú sinna fjölbreyttu og gefandi starfi þar sem þú stuðlar að lífsgæðum og sjálfstæði fólks?

Reykjanesbær leitar að jákvæðum og ábyrgum einstaklingum í 80% starf á heimili fyrir fatlað fólk. Við leitum að einstaklingum sem búa yfir góðri samskiptahæfni, sýna frumkvæði og hafa áhuga á að styðja fólk í daglegu lífi á eigin forsendum.

Í starfinu felst að veita íbúum með umfangsmiklar stuðningsþarfir einstaklingsmiðaða aðstoð og umönnun. Áhersla er lögð á að skapa hlýlegt og öruggt heimili, virða sjálfsákvörðunarrétt íbúa og styðja þá til þátttöku í samfélaginu út frá óskum, áhuga og þörfum hvers og eins.

Á velferðarsviði Reykjanesbæjar vinnum við að því að efla lífsgæði og sjálfstæði fólks. Við leggjum áherslu á hlýleg samskipti, faglega þjónustu og að hver einstaklingur hafi áhrif á eigið líf. Í starfi okkar endurspeglum við jafnframt gildi Reykjanesbæjar: virðingu, eldmóð og framsækni.

Starfið tilheyrir velferðarsviði og næsti yfirmaður er forstöðumaður búsetuþjónustu.

Helstu verkefni og ábyrgð

Veita íbúum stuðning og umönnun í daglegu lífi með virðingu, nærgætni og valdeflingu að leiðarljósi.
Aðstoða við persónulega umhirðu, klæðnað og aðrar daglegar athafnir.
Styðja íbúa við heimilishald, svo sem matseld, innkaup, þrif og þvotta, og stuðla að notalegu heimili.
Huga að næringu og líkamlegri og andlegri vellíðan íbúa.
Styðja íbúa við félagslega þátttöku, tómstundir, vinnu, dagþjónustu eða nám eftir áhuga og þörfum.
Fylgja íbúum í erindum utan heimilis, meðal annars til heilbrigðisþjónustu, í samráði við forstöðumann.
Vinna eftir þjónustu- og einstaklingsáætlunum og fylgja verklagi þjónustunnar.
Eiga gott samstarf við íbúa, aðstandendur, samstarfsfólk og aðra þjónustuaðila.
Taka þátt í starfsmannafundum og sinna öðrum verkefnum samkvæmt starfslýsingu og í samráði við yfirmann.

Menntunar- og hæfniskröfur

Grunnskólapróf.
Reynsla af starfi með fötluðu fólki.
Góð hæfni í mannlegum samskiptum og vilji til að vinna í teymi.
Sjálfstæð og skipulögð vinnubrögð og ábyrgð í starfi.
Frumkvæði, sveigjanleiki og jákvætt viðmót.
Þjónustulund og næmni fyrir ólíkum óskum og þörfum fólks.
Góð íslenskukunnátta í mæltu og rituðu máli.

Hlunnindi:

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Nánari upplýsingar

Um 80% störf er að ræða og er æskilegt að viðkomandi geti hafið störf sem fyrst. Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um starfið á vef Reykjanesbæjar undir Laus störf. Umsókn um starfið skal fylgja ferilskrá ásamt kynningarbréfi með rökstuðningi um hæfni viðkomandi í starfið ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Um 80% störf er að ræða og er æskilegt að viðkomandi geti hafið störf sem fyrst. Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um starfið á vef Reykjanesbæjar undir Laus störf. Umsókn um starfið skal fylgja ferilskrá ásamt kynningarbréfi með rökstuðningi um hæfni viðkomandi í starfið ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Starfsmaður í búsetuþjónustu fyrir fatlað fólk