Hér getur þú lagt inn umsókn um starf í tímavinnu sem starfsmaður í einstaklingsstuðningi hjá Fjölskyldu- og barnamálasviði. Um er að ræða sveigjanlegan vinnutíma eftir að hefðbundnum vinnutíma lýkur. Miðað er við að umsækjandi þurfi að vera orðinn 20 ára.

Meginmarkmið með einstaklingsstuðningi er að veita persónulegan stuðning og aðstoð sem einkum miðar að því að rjúfa félagslega einangrun í og efla viðkomandi til sjálfsbjargar og sjálfræðis.

Hæfniskröfur:

Samskipta‐ og samstarfshæfni
Frumkvæði og sjálfstæði í vinnubrögðum
Þjónustulund og áreiðanleiki
Hæfni til að tjá sig í ræðu og riti.
Hæfni til einstaklingsmiðaðra úrlausna
Geta til að vinna undir álagi og aðlögunarhæfni
Góð almenn tölvukunnátta
Íslenskukunnátta að lágmarki á stigi A2 samkvæmt samevrópska tungumálarammanum
Góð enskukunnátta

Skilyrði er að viðkomandi hafi hreint sakavottorð. Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Hér er um að ræða umsóknargrunn sem er unnið úr ef tækifæri opnast og því er umsóknum ekki svarað sérstaklega nema til ráðningar komi. Athugið að ekki er ráðið í einungis sumarstarf.

Upplýsingar veitir Erna Aradóttir ernaar@hafnarfjordur.is eða í síma 585-5500.

Umsóknir eru gildar í 6 mánuði og geymdar samkvæmt lögum um Þjóðskjalasafn Íslands.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.

Starfsmaður í einstaklingsstuðningi - tímavinna