Langar þig að vinna starf sem skiptir máli?

Velferðarsvið Suðurnesjabæjar leitar að öflugum og jákvæðum starfsmanni í stuðningsþjónustu. Starfshlutfallið er 30-50% og er unnið á dagvinnutíma.

Starfið er fjölbreytt og felur í sér stuðning við einstaklinga sem búa á eigin heimili og þurfa aðstoð vegna skertrar getu, fjölskylduaðstæðna, álags eða veikinda. Þjónustan felst meðal annars í heimilishaldi og persónulegum stuðningi sem styður einstaklinga til sjálfstæðrar búsetu og fer starfið að mestu fram í Vogum.

Suðurnesjabær veitir íbúum þjónustu samkvæmt lögum um félagsþjónustu sveitarfélaga.

Helstu verkefni

• Þrif og almenn heimilisstörf
• Persónulegur stuðningur
• Aðstoð við innkaupaferðir og aðra aðdrætti
• Félagsleg innlit

Menntunar- og hæfniskröfur

• Félagsliðamenntun æskileg
• Jákvæðni og hæfni í mannlegum samskiptum
• Sveigjanleiki og sjálfstæði í starfi
• Góð íslenskukunnátta
• Bílpróf og aðgangur að bíl

Við hvetjum öll áhugasöm, óháð kyni, til að sækja um.

Umsóknarfrestur er til og með 16. mars 2026.

Laun eru samkvæmt kjarasamningi sveitarfélagsins við viðkomandi stéttarfélag.

Umsókn skal skila rafrænt á heimasíðu Suðurnesjabæjar, www.sudurnesjabaer.is. Með umsókn skal fylgja ferilskrá og kynningarbréf. Öllum umsóknum verður svarað að lokinni ráðningu.

Nánari upplýsingar veita Thelma Hrund Guðjónsdóttir, teymisstjóri stuðnings- og stoðþjónustu,thelma@sudurnesjabaer.is eða Guðrún Björg Sigurðardóttir, sviðsstjóri velferðarsviðs gudrun@sudurnesjabaer.is 425-3000.

Suðurnesjabær er næstfjölmennasta sveitarfélagið á Suðurnesjum með tæplega 4.400 íbúa. Mikil uppbygging og gróska er í sveitarfélaginu, m.a. með uppbyggingu nýrra hverfa og byggingu nýs leikskóla. Í Suðurnesjabæ eru tveir grunnskólar, tvær íþróttamiðstöðvar og sundlaugar, bóka- og byggðasafn og Þekkingarsetur. Suðurnesjabær er heilsueflandi samfélag sem býður uppá nálægð við náttúruna og einstaka strandlengju sem umvefur sveitarfélagið.

Starfsmaður í heimaþjónustu