Leitað er að jákvæðum og drífandi einstaklingi í starf starfsmanns grunnskóla með stuðning í Gerðaskóla. Ráðið er í starfið frá 1. ágúst 2026.

Gerðaskóli er 250 nemenda heilsueflandi grunnskóli sem vinnur eftir stefnunni jákvæður agi með það að markmiði að allir fái tækifæri til að vera besta útgáfan af sjálfum sér í leik og starfi. Í skólanum starfa áhugasamir og metnaðarfullir starfsmenn sem leggja áherslu á að skapa námsumhverfi þar sem allir eru virkir, öllum líði vel og allir læra að bera virðingu fyrir sjálfum sér, öðrum og umhverfi sínu.

Húsnæði skólans er rúmgott og skólalóðin stór og skemmtileg til útivistar. Tónlistarskólinn er með aðstöðu í tónmenntastofu í skólanum og er frístundaskólinn einnig starfræktur innan veggja hans.

Gildi skólans eru; virðing – ábyrgð - árangur – ánægja

Helstu verkefni og ábyrgð:

Efla sjálfstæði nemenda í færni, námi og félagslegum aðstæðum
Aðstoða nemendur við daglegar athafnir og virka þátttöku í skólastarfi
Vinna eftir áætlun sem bekkjarkennari hefur útbúið sjálfur eða útbúið í samráði við umsjónarmann skólaþjónustu, sálfræðing eða annan ráðgjafa
Aðstoða nemendur að ná settum markmiðum samkvæmt aðalnámskrá og/eða einstaklingsnámskrá undir leiðsögn kennara
Aðlaga verkefni að getu nemenda undir leiðsögn og samkvæmt leiðbeiningum kennara
Aðstoða nemendur við að fylgja settum reglum um hegðun, umgengni og vinnubrögðum
Styrkja jákvæða hegðun og framkomu nemenda
Fylgjast með og leiðbeina um rétta líkamsbeitingu nemenda, notkun skrif færa og svo framvegis
Aðstoða nemendur við að klæðast, matast og við athafnir daglegs lífs ef þörf krefur
Styðja og styrkja nemendur í félagslegum samskiptum innan og utan kennslustofu
Fylgja einum eða fleiri nemendum á ferðum þeirra um skólann, í frímínútum og vettvangsferðum og aðstoða þá eftir þörfum
Sinna öðrum nemendum í bekknum t.d. ef kennarinn er að sinna nemanda með sérþarfir og til þess að draga úr sérstöðu nemenda með sérþarfir

Menntunar- og hæfniskröfur

Stuðningsfulltrúanám eða annað styttra nám á framhaldsskólastigi kostur
Reynsla úr sambærilegu starfi
Góð íslenskukunnátta skilyrði
Áhugi á að vinna með börnum
Sjálfstæði, frumkvæði og skipulagshæfileikar
Góð hæfni í mannlegum samskiptum og samstarfshæfileikar
Almenn tölvukunnátta

Samkvæmt lögum um grunnskóla er skilyrði að umsækjendur hafi hreint sakavottorð.

Launakjör eru samkvæmt kjarasamningi Sambands íslenskra sveitarfélaga við viðeigandi stéttarfélag.

Umsóknarfrestur er til og með 13. apríl 2026.

Nánari upplýsingar um starfið veitir Jón Ragnar Ástþórsson, skólastjóri Gerðaskóla, jonragnar@gerdaskoli.is eða í síma 425-3050.

Greinargóð ferilskrá fylgi umsókn.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin.

Starfsmaður í skóla - Gerðaskóli