Framtíðarsýn okkar er sjálfbær heimur, knúinn endurnýjanlegri orku.

Á Þjórsársvæði rekum við sjö vatnsaflsstöðvarsem nýta vatn til raforkuvinnslu og við leitum að öflugum og framsýnum leiðtoga með brennandi áhuga á orkumálum.

Stöðvarstjóri ber ábyrgð á rekstri, viðhaldi og öryggis- og umhverfismálum aflstöðvanna á Þjórsársvæðinu. Starfið krefst faglegrar og persónulegrar forystu, stuðnings við öflugt teymi starfsfólks og stjórnun daglegs rekstrar. Stöðvarstjóri fylgist með framvindu og kostnaði verkefna og mótar jákvæðan og heilbrigðan starfsanda og er hluti af framsæknu teymi stjórnenda. Í starfinu felst að leiða metnaðarfullt starfsfólk með sjálfbærni, öryggi og vellíðan að leiðarljósi.

Helstu verkefni:

Að stýra daglegum rekstri aflstöðva á Þjórsársvæði með framtíðarsýn Landsvirkjunar að leiðarljósi
Að bera ábyrgð á eftirliti og viðhaldi orkumannvirkja
Að leiða og efla mannauð aflstöðvanna og styðja við þróun þekkingar og hæfni starfsfólks
Að vinna náið með helstu haghöfum og tryggja gott samstarf og sátt við nærumhverfið
Að bera ábyrgð á ferlum, fjármunum og eignum í samræmi við gildi fyrirtækisins

Menntun og reynsla

Menntun sem nýtist í starfi, s.s. á sviði rafmagns eða véla
Leiðtogahæfni, reynsla af stjórnun og uppbyggingu teyma
Reynsla af rekstri og viðhaldsstjórnun, öryggis- og gæðamálum, færni í notkun upplýsingatækni
Frumkvæði og jákvæðni, framúrskarandi samskipta- og skipulagshæfni
Gott vald á íslensku og ensku, í ræðu og riti

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og áhuga á starfinu.

Stöðvarstjóri Þjórsársvæðis