Um skólann

Húsaskóli er grunnskóli þar sem lögð er áhersla á jákvæðan skólabrag og fjölbreytta kennsluhætti. Nemendur við skólann eru um 150.

Einkunnarorð skólans eru: jákvæðni - virðing - samvinna.

Í öllu starfi skóla- og frístundasviðs er unnið eftir Menntastefnu Reykjavíkur, Látum draumana rætast, þar sem leiðarljósin eru sköpun, jafnrétti, virkni, heilsuefling og þátttaka barna í skólastarfinu, aukið samstarf og fagmennska. Einnig er unnið eftir stefnumótun verkefnisins Betri borg fyrir börn og innleiðingu laga um samþættingu þjónustu í þágu farsældar barna.

Umsókn fylgi ferilskrá, menntunargögn og annað er málið varðar.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

<h2>Helstu verkefni og ábyrgð</h2>

Að aðstoða nemendur við þátttöku í skólastarfi og athafnir daglegs lífs.
Að aðstoða nemendur í námsveri þar sem börnin þurfa mjög einstaklinsmiðaða nálgun.
Að aðstoða nemendur við að ná settum viðmiðum samkvæmt skólanámskrá/einstaklingsnámskrá undir leiðsögn kennara og deildarstjóra.
Að fylgja einum eða fleiri nemendum eftir á ferðum þeirra í skólastarfi s.s. í sundi, frímínútum og vettvangsferðum.
Að vinna að þróun skólastarfs með stjórnendum og samstarfsfólki.

<h2>Hæfniskröfur</h2>

Stúdentspróf eða sambærilegt nám sem nýtist í starfi.
Reynsla og áhugi á að starfa með börnum.
Hæfni í mannlegum samskiptum og sveigjanleiki í starfi.
Frumkvæði, jákvæðni og sjálfstæði í starfi.
Gott vald á íslensku.
Hreint sakarvottorð í samræmi við lög og reglur Reykjavíkurborgar.

<h2>Frekari upplýsingar</h2>

Laun eru samkvæmt samningi Reykjavíkurborgar og Sameykis.
Starfshlutfall – 70-80%.
Ráðningarform – Tímabundin ráðning.
Nánari upplýsingar um starfið veitir Valdimar Víðisson skólastjóri valdimar.vidisson@reykjavik.is

Stuðningsfulltrúi í Húsaskóla