Velferðarsvið Reykjavíkurborgar leitar að öflugum og áhugasömum starfsmönnum til að styðja fatlað fólk með fjölþættar stuðningsþarfir sem býr í sjálfstæðri búsetu.

Um er að ræða fjölbreytt starf þar sem reynir á hæfni í mannlegum samskiptum, sveigjanleika, útsjónarsemi og fagmennsku. Við leitum að fólki sem sýnir frumkvæði og hefur áhuga á að takast á við fjölbreytt og krefjandi verkefni.

Um starfið

Meginverkefni er að styðja einstaklinga við að halda heimili og sinna daglegum viðfangsefnum þannig að þeir geti lifað sjálfstæðu og virku lífi á eigin forsendum. Stuðningurinn tekur mið af þörfum og óskum hvers og eins og getur meðal annars falist í aðstoð við heimilishald, daglegar athafnir og þátttöku í samfélaginu. Mikilvægt er að starfsfólk geti brugðist við ólíkum aðstæðum af yfirvegun, virðingu og fagmennsku.

Helstu verkefni og ábyrgð

Styðja einstaklinga við heimilishald og dagleg verkefni.
Veita einstaklingsmiðaðan og valdeflandi stuðning.
Efla sjálfstæði og þátttöku í samfélaginu.
Vinna í samræmi við hugmyndafræði, lög og reglur á sviði þjónustu við fatlað fólk.

Hæfniskröfur

Áhugi á að starfa með fólki og virðing fyrir ólíkum þörfum og aðstæðum.
Góð samskiptahæfni og færni til að takast á við krefjandi aðstæður.
Sveigjanleiki, þolinmæði og útsjónarsemi.
Frumkvæði, jákvæðni og sjálfstæði í vinnubrögðum.
Þekking og reynsla af starfi með fólki er kostur en ekki skilyrði.
Íslenskukunnátta á stigi B2 samkvæmt evrópska tungumálarammanum.
Umsækjendur þurfa að vera 20 ára eða eldri.
Hreint sakavottorð í samræmi við lög og reglur Reykjavíkurborgar.

Starfshlutfall og vinnutími

Starfshlutfall er samkvæmt samkomulagi. Unnið er á vöktum á daginn, kvöldin, um helgar og nætur.

Reykjavíkurborg býður fjölbreytt starfsmannahlunnindi.

Laun eru samkvæmt kjarasamningi Reykjavíkurborgar og Sameykis.

Nánari upplýsingar veitir Anna Brynja Valmundsdóttir í netfanginu Anna.Brynja.Valmundsdottir@reykjavik.is.

Stuðningsfulltrúi óskast – viltu styðja fatlað fólk til sjálfstæðs lífs?