Velferðarsvið Reykjavíkurborgar leitar að öflugum og áhugasömum starfsmönnum til að styðja fatlað fólk með fjölþættar stuðningsþarfir sem býr í sjálfstæðri búsetu.

Um er að ræða fjölbreytt starf þar sem reynir á hæfni í mannlegum samskiptum, sveigjanleika, útsjónarsemi og fagmennsku. Við leitum að fólki sem sýnir frumkvæði og hefur áhuga á að takast á við fjölbreytt og krefjandi verkefni.

Um starfið

Meginverkefni er að styðja einstaklinga við að halda heimili og sinna daglegum viðfangsefnum þannig að þeir geti lifað sjálfstæðu og virku lífi á eigin forsendum. Stuðningurinn tekur mið af þörfum og óskum hvers og eins og getur meðal annars falist í aðstoð við heimilishald, daglegar athafnir og þátttöku í samfélaginu. Mikilvægt er að starfsfólk geti brugðist við ólíkum aðstæðum af yfirvegun, virðingu og fagmennsku.

Helstu verkefni og ábyrgð

Styðja einstaklinga við heimilishald og dagleg verkefni.
Er leiðandi í starfsmannahópnum þegar kemur að því að vinna eftir verklagi og hugmyndafræði starfsstaðar.
Tekur þátt í að fræða og leiðbeina öðru starfsfólki í samráði við stjórnendur.
Skipuleggur og ber ábyrgð á framkvæmd einstaklingsáætlana í samráði við forstöðumann og teymisstjóra.
Hefur yfirsýn yfir þá þjónustu sem þjónustunotendur eru að fá.
Tekur þátt í teymisvinnu með öðrum starfsmönnum.
Vinna í samræmi við hugmyndafræði, lög og reglur á sviði þjónustu við fatlað fólk.

Hæfniskröfur

Háskólamenntun á sviði félags-, heilbrigðis- og/eða menntavísinda sem nýtist í starfi.
Reynsla af starfi með einstaklingum með ólíkar þjónustuþarfir kostur.
Áhugi á að starfa með fólki og virðing fyrir ólíkum þörfum og aðstæðum.
Góð samskiptahæfni og færni til að takast á við krefjandi aðstæður.
Sveigjanleiki, þolinmæði og útsjónarsemi.
Frumkvæði, jákvæðni og sjálfstæði í vinnubrögðum.
Íslenskukunnátta á stigi B2 samkvæmt evrópska tungumálarammanum.
Umsækjendur þurfa að vera 20 ára eða eldri.
Hreint sakavottorð í samræmi við lög og reglur Reykjavíkurborgar.

Starfshlutfall og vinnutími

Starfshlutfall er samkvæmt samkomulagi. Unnið er á vöktum á daginn, kvöldin, um helgar og nætur.

Reykjavíkurborg býður fjölbreytt starfsmannahlunnindi.

Laun eru samkvæmt kjarasamningi Reykjavíkurborgar og Sameykis.

Nánari upplýsingar veitir Anna Brynja Valmundsdóttir í netfanginu Anna.Brynja.Valmundsdottir@reykjavik.is.

Stuðningsráðgjafi óskast – viltu styðja fatlað fólk til sjálfstæðs lífs?