Bílaumboðið Askja leitar að þjónustuliprum og ábyrgum aðila í sumarstarf til að sinna samskiptum og ráðgjöf til viðskiptavina Kia og Honda.

Askja er sölu- og þjónustuumboð fyrir Mercedes-Benz, KIA, Honda og Smart. Hjá Öskju starfar vel þjálfaður og öflugur hópur starfsfólks. Virk þjálfun og endurmenntun starfsfólks er í samræmi við gæðastaðla birgja. Askja er dótturfélag Inchcape á Íslandi sem er hluti af alþjóðlega fyrirtækinu Inchcape Plc. Fyrirtækið sérhæfir sig í sölu og dreifingu á bifreiðum og er skráð í kauphöllina í London. Inchcape er leiðandi fyrirtæki á sínu sviði, starfar á 38 mörkuðum með yfir 16.000 starfsmenn og vinnur með stærstu bílaframleiðendum heims.

Helstu verkefni:

Samskipti og móttaka viðskiptavina
Ráðgjöf og tilboðsgerð
Samvinna við þjónustuteymi verkstæðis

Hæfniskröfur:

Rík þjónustulund og góð samskiptafærni
Færni í teymisvinnu
Reynsla af sambærilegum störfum er kostur
Þekking á bílum kostur
20 ára aldurstakmark

Af hverju Askja?

Askja leggur áherslu á að skapa menningu sem einkennist af gleði, samvinnu og sveigjanleika. Það gerum við með því að veita starfsfólki stuðning og skapa því umhverfi til að geta veitt viðskiptavinum afburðaþjónustu. Áhersla er lögð á opin og uppbyggileg samskipti. Leitað er lausna og jákvæðni höfð að leiðarljósi. Öflugt starfsmannafélag er hjá Öskju og reglulegir viðburðir og skemmtanir.

Nánari upplýsingar um starfið veitir Hákon Jónas Gylfason, þjónustustjóri Kia og Honda hjg@askja.is

Sumarstarf - þjónusturáðgjafi verkstæðismóttöku