Hafnarfjarðarbær óskar eftir að ráða öfluga sumarstarfsmenn í lærdómsríkt starf við þjónustu á heimili fatlaðs fólks. Unnið er eftir hugmyndafræði þjónandi leiðsagnar, með áherslu á að íbúum líði sem best.

Spennandi og skemmtilegt starf, með fjölbreyttum verkefnum í vaktavinnu. Um er að ræða 70%-100% starf eða eftir samkomulagi og þarf viðkomandi að geta unnið morgun-, kvöld-, nætur og helgarvaktir.

Helstu verkefni og ábyrgð:

Veita þjónustunotendum stuðning við athafnir daglegs lífs
Fylgja þjónustuáætlunum og verklagsreglum
Virkja íbúa til þátttöku í samfélaginu og tómstundum
Hafa gaman í vinnunni og vera öðrum fyrirmynd
Sinna heimilisstörfum
Samskipti við ýmsa þjónustuaðila
Önnur verkefni samkvæmt starfslýsingu

Menntunar- og hæfniskröfur:

Reynsla af sambærilegu starfi æskileg
Áhugi á málefnum fatlaðs fólks
Íslenskukunnátta skilyrði, A2 tungumálastaðall ETM sjálsmatsrammi (coe.int)
Þjónustulund og jákvæðni í starfi
Hæfni í mannlegum samskiptum
Ágætis tölvukunnátta
Ökuréttindi skilyrði
Aðgengi að ökutæki skilyrði
Sjálfstæð vinnubrögð og sveigjanleiki í starfi
Líkamleg geta til þess að sinna verkefnum á vinnustað

Æskilegt er að hafa náð 20 ára aldri, en skilyrði er að hafa hreint sakavottorð.

Umsókn fylgi greinargóð ferilskrá.

Frekari upplýsingar um starfið veitir Ingibjörg Ólafsdóttir, forstöðuþroskaþjálfi á netfangið ingibjorgo@hafnarfjordur.is eða í síma 585-5765.

Laun eru samkvæmt gildandi kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 31 mars 2026.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins

Sumarstarf á heimili fyrir fatlað fólk - Smárahvammur