Hefur þú áhuga á stafrænum lausnum og vilt vinna í nútímalegu starfsumhverfi í sumar?

Þá gæti þetta verið sumarstarfið fyrir þig.......

Leitað er að metnaðarfullum sumarstarfsmanni sem hefur áhuga á stafrænum lausnum, sjálfvirknivæðingu og nútímalegu samstarfsumhverfi. Starfið felur í sér þátttöku í þróun, uppsetningu og umbótum á lausnum sem byggja á Power Platform, Copilot og SharePoint innan Microsoft 365 umhverfis.

Sumarstarfsmaðurinn mun vinna í nánu samstarfi við vörustjóra og sérfræðinga í stafrænum lausnum og fá tækifæri til að kynnast raunverulegum verkefnum sem snúa að þjónustu, ferlum og stafrænum umbreytingum.

Sem sumarstarfsmaður hjá stafrænni Reykjavík munt þú...

Aðstoða við uppsetningu og þróun lausna í Power Platform - Power Apps, Power Automate flæði, SharePoint listar/gagnagrunnar og Copilot
Taka þátt í skipulagi og umbótum á SharePoint svæðum, uppbygging efnis, lista upp og einfalda ferla, aðstoða við stöðlun og notendavæna framsetningu
Greina og skrá þarfir notenda í samvinnu við vörustjóra
Aðstoða við prófanir, skjölun og einfaldar leiðbeiningar fyrir notendur
Taka þátt í minni þróunar- eða umbótaverkefnum frá upphafi til loka

Menntunar- og hæfniskröfur

Stúdentspróf
Að stunda nám í tölvunarfræði eða upplýsingatækni er kostur
Metnaður, forvitni og vilji til að læra og þróast
Reynsla eða ástríða fyrir upplýsingatækni
Framúrskarandi samskiptahæfni og skipulögð vinnubrögð
Reynsla að halda utan um verkefni er kostur
Mikill áhugi á notendaupplifun og greiningum eða kortlagningu á þjónustu
Reynsla af Power Apps, Power Automate eða SharePoint
Áhugi á sjálfvirknivæðingu, ferlahönnun eða þjónustuhönnun og tækifærum í nýtingu á Atlassian, Microsoft, Ui path og fleiri lausnum
Geta til að tjá sig í riti og ræðu á íslensku og ensku

Vinnustaðurinn

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi og skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Þjónustu- og nýsköpunarsvið er regnbogavottaður vinnustaður. Markmið með regnbogavottun Reykjavíkurborgar er að gera starfsemi Reykjavíkurborgar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks. Á dögunum vann þjónustu og nýsköpunarsvið til UT-verðlaun Ský 2025 í flokknum stafræn opinber þjónusta.

Við bjóðum upp á

Fyrsta flokks vinnustað
Öfluga nýliðamóttöku
Sálrænt öryggi og skapandi menningu
Góða liðsheild og góð samskipti
Samkennd og virðingu
Þekkingarumhverfi
Áherslu á jafnrétti og fjölbreytileika
Jafnvægi milli vinnu og einkalífs
Heilsueflandi vinnustað
Gott vinnuumhverfi
Fyrsta flokks vinnuaðstöðu

Launakjör eru samkvæmt kjarasamningi Reykjavíkurborgar og viðkomandi stéttarfélags.

Umsóknarfrestur er til 7. apríl n.k. Nánari upplýsingar um starfið veitir Sigrún Lára Sverrisdóttir deildarstjóri vörustýringar hjá stafrænni Reykjavík í gegnum tölvupóstfangið: sigrun.lara.sverrisdottir@reykjavik.is

Eftirfarandi gögn skulu fylgja umsókn:

Starfsferilsskrá
Kynningarbréf þar sem umsækjandi gerir grein fyrir áhuga og hæfni í starfið

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi. Verkefnin eru afar fjölbreytt og snerta daglegt líf borgarbúa með margvíslegum hætti.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Sumarstarf hjá stafrænni Reykjavík