Vantar þig vinnu í sumar? Leikskólinn Maríuborg auglýsir eftir sumarstarfsfólki með möguleika á áframhaldandi hlutastarfi veturinn 2026-2027.

Leikskólinn er staðsettur í Maríubaug 3 í Grafarholti. Náttúrufegurðin umkringir leikskólann og skapar einstakt tækifæri fyrir börnin til náms. Útisvæðið okkar er því fullt af töfrum sem gaman er að upplifa. Skólinn er bjartur og fallegur og skiptist í fjórar deildir, þar af íþróttasal, tvær kubbastofur og listasmiðju, auk starfsmannarýmis og eldhúss.

Einkunnarorð okkar og megingildi eru LEIKUR-SAMSKIPTI-NÁMSGLEÐI og er það grunnurinn að öllu okkar starfi. Við leggjum áherslu á læsi, frjálsan leik og félagsfærni. Lubbi finnur málbein og Vináttuverkefni Barnaheilla eru einnig ómissandi þáttur í lífi og námi barnanna í Maríuborg en söngur og tónlist skipar einnig stóran sess í starfi okkar. Þá er einnig starfrækt læsisteymi við leikskólann sem heldur utan um gerð læsis- og málstefnu Maríuborgar, sem verið er að vinna að. Að okkar mati er mikilvægt að leikur barna og skapandi starf fái rými og að börn nái að blómstra út frá sínum styrkleikum í ró og næði. Í Maríuborg er því lögð áhersla á faglegt starf sem þróast í takt við nýjustu rannsóknir og reynslu í menntunarfræði ungra barna. Þá er unnið eftir Menntastefnu Reykjavíkur, Draumar geta ræst, sem og Aðalnámskrá leikskóla.

Leikskólinn lokar, líkt og aðrir leikskólar í Reykjavík, í 20 virka daga á sumrin eða 13.júlí til 10.ágúst.

Helstu verkefni

Að vinna að uppeldi og menntun leikskólabarna.
Leika með börnunum og taka þátt í skipulagningu faglegs starfs í samstarfi við deildarstjóra.
Sinna daglegum verkefnum deildarinnar í samstarfi við deildarstjóra og annað starfsfólk.
Samskipti og samvinna við foreldra.
Sinna öðrum verkefnum sem deildarstjóri og leikskólastjóri felur starfsmanni.

Menntunar- og hæfniskröfur

Verður að hafa náð 18 ára aldri.
Jákvæðni og frumkvæði í starfi og faglegur metnaður.
Reynsla af uppeldis- og kennslustörfum með ungum börnum æskileg
Framhaldsmenntun og/eða stúdentspróf æskilegt
Hæfni og sveigjanleiki í samskiptum.
Ábyrgð og áreiðanleiki.
Íslenskukunnátta á stigi B2 samkvæmt evrópska tungumálarammanum er skilyrði.
Hreint sakavottorð í samræmi við lög og reglur Reykjavíkurborgar

Fríðindi í starfi

36-38 stunda vinnuvika miðað við fullt starf
Samgöngusamningur
Boðið er upp á heitan mat í hádeginu, morgunmat og síðdegishressingu.

Laun eru samkvæmt kjarasamningum Reykjavíkurborgar og hlutaðeigandi stéttarfélags. Mögulegt er að hefja störf strax.

Nánari upplýsingar veitir Erna Agnes Sigurgeirsdóttir, leikskólastjóri. erna.agnes.sigurgeirsdottir@reykjavik.is

Sími 411-3800 / 698-9309.Vantar þig vinnu í sumar? Leikskólinn Maríuborg auglýsir eftir sumarstarfsfólki með möguleika á áframhaldandi hlutastarfi veturinn 2026-2027.

Sumarstarf í leikskólanum Maríuborg