Bílaumboðið Askja leitar að þjónustuliprum og ábyrgum aðilum í sumarstörf í innri þjónustu. Starfið er fjölbreytt og felur m.a. í sér þjónustu við viðskiptavini, akstur Öskjuskutlu og verkefni tengd bílaleigu.

Askja er sölu- og þjónustuumboð fyrir Mercedes-Benz, KIA, Honda og Smart. Hjá Öskju starfar vel þjálfaður og öflugur hópur starfsfólks. Virk þjálfun og endurmenntun starfsfólks er í samræmi við gæðastaðla birgja. Askja er dótturfélag Inchcape á Íslandi sem er hluti af alþjóðlega fyrirtækinu Inchcape Plc. Fyrirtækið sérhæfir sig í sölu og dreifingu á bifreiðum og er skráð í kauphöllina í London. Inchcape er leiðandi fyrirtæki á sínu sviði, starfar á 38 mörkuðum með yfir 16.000 starfsmenn og vinnur með stærstu bílaframleiðendum heims.

Helstu verkefni:

Móttaka erinda í gegnum síma, tölvupóst og rafrænar leiðir
Veita upplýsingar og leiðbeiningar um þjónustu, ferla og verklag
Móttaka viðskiptavina
Útlán, þrif og undirbúningur bílaleigubíla

Hæfniskröfur:

Nám eða starfsreynsla í bílgreinum kostur
Góð þjónustulund og hæfni í mannlegum samskiptum
Geta til að vinna sjálfstætt og í teymi
Reynsla af þjónustustörfum kostur
Tölvukunnátta og færni í notkun upplýsingakerfa
Góð íslensku- og enskukunnátta

Af hverju Askja?

Askja leggur áherslu á að skapa menningu sem einkennist af gleði, samvinnu og sveigjanleika. Það gerum við með því að veita starfsfólki stuðning og skapa því umhverfi til að geta veitt viðskiptavinum afburðaþjónustu. Áhersla er lögð á opin og uppbyggileg samskipti. Leitað er lausna og jákvæðni höfð að leiðarljósi. Öflugt starfsmannafélag er hjá Öskju og reglulegir viðburðir og skemmtanir.

Nánari upplýsingar um störfin veitir Rúnar Örn Birgisson, þjónustustjóri innri þjónustu rob@askja.is

Sumarstarf í þjónustu