Í Samfélagshúsinu á Vitatorgi fer fram fjölbreytt félagsstarf og viðburðir fyrir fólk á öllum aldri. Markmiðið er að efla félagslega þátttöku og skapa tækifæri til virkni og samveru. Í húsinu eru einnig þjónustuíbúðir. Áhersla er á að dagskrá og starfsemi höfði sérstaklega til eldri borgara, en jafnframt til fólks óháð aldri, kyni og uppruna.

Um er að ræða 100% starfshlutfall. Vinnutími er frá kl. 08:00 til 16:00 virka daga á tímabilinu júní-ágúst.

Verkefni og ábyrgð

Starfar með virkniteymi
Skipuleggur og heldur úti dagskrá samfélagshússins
Skipuleggur viðburði og tekur þátt í framkvæmd þeirra
Hvetur fólk til félagslegrar virkni
Önnur verkefni sem yfirmaður felur viðkomandi

Hæfniskröfur

Jákvætt viðmót og góð hæfni í mannlegum samskiptum
Vilji til að gefa af sér og eiga góð samskipti við fjölbreyttan hóp fólks
Stundvísi, áreiðanleiki og sjálfstæð vinnubrögð
Frumkvæði, sveigjanleiki og ábyrgð í starfi
Hreint sakavottorð í samræmi við lög og reglur Reykjavíkurborgar
Íslenskukunnátta sem samsvarar B2 samkvæmt samevrópskum tungumálaramma
Viðkomandi þarf að hafa náð 20 ára aldri

Frekari upplýsingar um starfið

Laun eru samkvæmt samningi Reykjavíkurborgar og Sameykis

Nánari upplýsingar um starfið veitir Drífa Baldursdóttir verkefnastjóri, í tölvupósti drifa.baldursdottir@reykjavik.is

Sumarstarf við félagsstarf í Samfélaghúsinu á Vitatorgi