Suðurnesjabær auglýsir eftir kvenkyns starfsmanni í starf sundlaugarvarðar í íþróttamiðstöðinni í Sandgerði.

Um er að ræða 94% starf í vaktavinnu en í starfinu felst m.a. klefavarsla í kvennaklefa og umsjón með öryggi sundlaugargesta.

Æskilegt er að viðkomandi geti hafið störf sem fyrst.

Helstu verkefni og ábyrgð:

Móttaka gesta og upplýsingagjöf til þeirra
Umsjón með baðvörslu kvenna
Umsjón með öryggi sundlaugargesta í og við laug
Eftirfylgni með umgengnisreglum
Eftirlit með gæðum laugarvatns
Umsjón með hreinlæti í og við laug
Afgreiðsla og önnur þjónusta við gesti
Vinnur samkvæmt verklýsingu og þrifáætlun starfsstaðar
Önnur verkefni skv. starfslýsingu

Hæfniskröfur

Starfsfólk þarf að geta staðist árlegt hæfnipróf laugarvarða, þ.e. hafa lokið námskeiði í skyndihjálp og staðist sundpróf
Jákvæðni og stuðla að jákvæðum samskiptum með jákvæðu viðhorfi
Frumkvæði og sjálfstæði í vinnubrögðum
Reynsla af starfi með börnum og unglingum er kostur
Íslenskukunnátta
Tölvukunnátta

Viðkomandi þarf að hafa náð 18 ára aldri og hafa hreint sakavottorð.

Umsóknarfrestur er til og með 7. maí 2026.

Laun eru greidd samkvæmt kjarasamningum Sambands íslenskra sveitarfélaga og viðeigandi stéttarfélags.

Nánari upplýsingar um starfið veitir Einar Karl Vilhjálmsson, forstöðumaður íþróttamiðstöðva hjá Suðurnesjabæ, í tölvupósti á netfanginu einarkarl@sudurnesjabaer.is

Suðurnesjabær er eitt fjögurra sveitarfélaga á Suðurnesjum og eru íbúar rúmlega 4.000 talsins. Suðurnesjabær er heilsueflandi samfélag og samanstendur af íbúakjörnunum Garði og Sandgerði. Sveitarfélagið er ört stækkandi en mikil uppbygging er framundan hjá sveitarfélaginu, fjölgun íbúa og spennandi tækifæri til framtíðar á svæðinu. Nánari upplýsingar má finna á heimasíðu sveitarfélagsins.

Sundlaugarvörður - Íþróttamiðstöðin í Sandgerði