Skrifstofa borgarlandsins ber ábyrgð á rekstri, umhirðu og þróun borgarlandsins. Starfsemin snýr meðal annars að viðhaldi og umsjón opinna svæða, grænna svæða, leiksvæða, gatnaumhverfis og annarra sameiginlegra eigna borgarinnar. Skrifstofan sér einnig um framkvæmd fjölbreyttra verkefna sem stuðla að snyrtilegu, öruggu og aðlaðandi borgarumhverfi, auk þátttöku í viðburðum og samstarfsverkefnum.

Svæðisstjórar bera ábyrgð á daglegum rekstri hverfastöðva borgarinnar. Meginhlutverk þeirra er að hafa yfirumsjón með verkefnum hverfastöðva og tryggja að borgarlandið sé hreint, öruggt og í góðu ástandi. Starfið felur í sér forgangsröðun verkefna, verkstýringu starfsfólks í samráði við rekstrarstjóra og markvissa eftirfylgni með framkvæmd og framvindu verkefna.

Svæðisstjórar gæta hagsmuna borgarinnar á borgarlandi og tryggja örugga, skilvirka og faglega þjónustu. Um er að ræða viðbragðsmiðað starf þar sem oft þarf að bregðast hratt við ófyrirséðum aðstæðum, sýna frumkvæði, sveigjanleika og þjónustulund.

Starfssvið og ábyrgð

Forgangsröðun verkefna og skipulag vinnu í samráði við skrifstofustjóra.
Úthlutun verkefna og ábyrgðar til rekstrarstjóra og starfsfólks hverfastöðva.
Samráð og samstarf við hagaðila innan borgarhlutanna.
Miðlun upplýsinga til starfsfólks og samstarfsaðila og þátttaka í samstarfsverkefnum á starfssviðinu.
Ábyrgð á fjárhagsramma hverfastöðva og eftirlit með að rekstur sé innan samþykktra fjárheimilda.
Ráðning, móttaka og þátttaka í þjálfun starfsfólks.
Leiðsögn, stuðningur og reglubundin endurgjöf til starfsfólks.
Kostnaðargát og eftirlit með að reikningar og útgjöld séu í réttum farvegi.
Eftirlit með öryggis- og vinnuverndarmálum á ábyrgðarsvæði.

Menntunar- og hæfniskröfur

Hagnýt menntun sem nýtist í starfi, svo sem iðnmenntun eða sambærileg menntun.
Framhaldsnám á sviði iðngreina, reksturs eða stjórnunar er kostur.
Reynsla af stjórnun og verkefnastjórnun.
Reynsla af ráðningum og mannaforráðum.
Reynsla af rekstri, fjármálastjórnun og verklegum framkvæmdum er kostur.
Góð hæfni í samskiptum og samstarfi.
Frumkvæði, verkvit, þjónustulund og árangursdrifin hugsun.
Góð skipulagsfærni og geta til að vinna undir álagi.
Íslenskukunnátta B2-C1 í samræmi við samevrópska tungumálarammann
Enskukunnátta B2 í samræmi við samevrópska tungumálarammann

Nánar um starfið

Á umhverfis- og skipulagssviði er unnið að fjölbreyttum verkefnum sem auðga mannlíf í Reykjavík. Leiðarljós sviðsins eru aukin lífsgæði með framúrskarandi þjónustu og metnaði fyrir enn betri borg. Starfsfólk sviðsins gegnir lykilhlutverki með fagþekkingu sinni og framlagi að þróun öruggrar, sjálfbærrar og aðlaðandi borgar.
Um er að ræða 100% starf og æskilegt er að viðkomandi geti hafið störf sem fyrst. Launakjör eru samkvæmt kjarasamningi Reykjavíkurborgar og viðkomandi stéttarfélags.
Nánari upplýsingar veitir Karl Eðvaldsson, skrifstofustjóri borgarlands, í gegnum netfangið karl.edvaldsson@reykjavik.is.
Umsóknarfrestur er til og með 6. september 2026.